കൂട്ടുകാരി രമ്യ നമ്പീശനൊപ്പമുള്ള ന്യൂയോര്‍ക്ക് യാത്രയുടെ ഓര്‍മ്മകള്‍ പങ്കുവെച്ച് ഭാവന. ന്യൂയോര്‍ക്കിലേക്ക് നടത്തിയ പഴയ യാത്രയുടെ ചിത്രങ്ങളാണ് താരം സോഷ്യല്‍ മീഡിയയില്‍ പങ്കുവെച്ചിരിക്കുന്നത്. “”ഞാന്‍ എന്റെ ഹൃദയത്തെ പിന്തുടരുകയാണെങ്കില്‍, അത് എന്നെ ന്യൂയോര്‍ക്ക് സിറ്റിയിലേക്ക് കൊണ്ടുപോകും. എന്നെ തിരികെ കൊണ്ടു പോകൂ”” എന്നാണ് ചിത്രങ്ങള്‍ പങ്കുവെച്ച് ഭാവന കുറിച്ചിരിക്കുന്നത്.
ആ യാത്രകളും ഓര്‍മ്മകളും മിസ് ചെയ്യുന്നു എന്നും ഭാവന കുറിച്ചിട്ടുണ്ട്. പ്രിയ സുഹൃത്തുക്കളായ മഞ്ജു വാര്യര്‍, സംയുക്ത വര്‍മ്മ എന്നിവര്‍ക്കൊപ്പമുള്ള ചിത്രങ്ങളും അടുത്തിടെ ഭാവന പങ്കുവെച്ചിരുന്നു. സുഹൃത്തുക്കളല്ല സഹോദരിമാരാണ് തങ്ങള്‍ എന്നാണ് മഞ്ജുവും സംയുക്തയുമായുള്ള സൗഹൃദത്തെ ഭാവന വിശേഷിപ്പിച്ചത്.
https://www.instagram.com/p/CGO0SeLlX0M/
ഭര്‍ത്താവ് നവീനൊപ്പം ബാഗ്ലൂരിലാണ് താരം ഇപ്പോഴുള്ളത്. 2002-ല്‍ പുറത്തിറങ്ങിയ നമ്മള്‍ എന്ന ചിത്രത്തിലൂടെയാണ് ഭാവന സിനിമാരംഗത്ത് എത്തിയത്. തമിഴ് സൂപ്പര്‍ ഹിറ്റ് ചിത്രം 96-ന്റെ കന്നഡ റീമേക്ക് 99 ആണ് ഭാവനയുടെതായി ഒടുവില്‍ റിലീസ് ചെയ്ത ചിത്രം.
ബജ്രംഗി 2, ഗോവിന്ദ ഗോവിന്ദ, ശ്രീകൃഷ്ണ@ജിമെയില്‍.കോം എന്നിവയാണ് താരത്തിന്റേതായി അണിയറയില്‍ ഒരുങ്ങുന്ന ചിത്രങ്ങള്‍. കന്നഡ സിനിമയായ ശ്രീകൃഷ്ണ@ജിമെയില്‍.കോമിന് സംവിധായകന്‍ സലാം ബാപ്പു ആണ്.