അങ്കമാലി ഡയറീസിന് ശേഷം ചെമ്പന്‍ വിനോദ് ജോസ് തിരക്കഥ രചിക്കുന്ന ചിത്രം ഭീമന്റെ വഴി നാളെ പ്രേക്ഷകരുടെ മുന്നിലേക്ക് എത്തുന്നു. കുഞ്ചാകോ ബോബന്‍ നായനാകുന്ന ചിത്രത്തിന്‌റെ ടീസര്‍ ഇതിനോടകം പ്രേക്ഷക ശ്രദ്ധ പിടിച്ചു പറ്റിയിട്ടുണ്ട്. കുഞ്ചാക്കോ ബോബൻ വ്യത്യസ്തമായ കഥാപാത്രമായിരിക്കും എന്ന് വ്യക്തമാക്കുന്നതാണ് ട്രെയിലർ.
സിനിമയുടെ പേരും, പുറത്തിറങ്ങിയ ട്രെയ്ലറും ടീസറും എല്ലാം അത്രയേറെ ആകാംക്ഷയുണര്‍ത്തുന്നുണ്ട്. തമാശ പോലെ സാമൂഹിക പ്രസക്തമായ ഒരു സിനിമ ഒരുക്കിയ അഷ്റഫ് ഹംസയാണ് ‘ഭീമന്റെ വഴി’യും ഒരുക്കിയിട്ടുള്ളത്. ഒരു വഴിതര്‍ത്തിന്‌റെ കഥയാണ് സിനിമയുടെ ഇതിവൃത്തം. തികച്ചും വൃതൃസ്തമായ ഒരു കഥാപാത്രമായി ആണ് ചാക്കോച്ചന്‍ ഈ സിനിമയില്‍ എത്തുന്നത്.
ജിനു ജോസഫ്, ചിന്നു ചാന്ദ്നി, മേഘ തോമസ്, വിന്‍സി അലോഷ്യസ്, ശബരീഷ് വര്‍മ്മ, നിര്‍മ്മല്‍ പാലാഴി, ബിനു പപ്പു, ദിവ്യ എം നായര്‍, ഭഗത് മാനുവല്‍, ആര്യ സലീ തുടങ്ങിയവരും ചിത്രത്തില്‍ അഭിനയിക്കുന്നുണ്ട്. അഞ്ചാം പാതിരാ എന്ന ഹിറ്റ് ചിത്രത്തിന് ശേഷം അതില്‍ മുഖ്യ വേഷങ്ങള്‍ അവതരിപ്പിച്ച കുഞ്ചാക്കോ ബോബനും ജിനു ജോസഫും വീണ്ടും ഒന്നിക്കുന്ന ചിത്രം കൂടിയാണ് ‘ഭീമന്റെ വഴി’
ഗിരീഷ് ഗംഗാധരന്‍ ഛായാഗ്രഹണവും മഷര്‍ ഹംസ വസ്ത്രാലങ്കാരവും വിഷ്ണു വിജയ് സംഗീത സംവിധാനവും നിര്‍വഹിക്കുന്നു. ചെമ്പോസ്‌കി മോഷന്‍ പിക്‌ചേഴ്‌സിന്റെയും ഒ.പി.എം. പ്രൊഡക്ഷന്സിന്റെയും ബാനറില്‍ ചിത്രം നിര്‍മ്മിക്കുന്നത് ചെമ്പന്‍ വിനോദ് ജോസ്, റിമ കല്ലിങ്കല്‍, ആഷിഖ് അബു എന്നിവര്‍ ചേര്‍ന്നാണ്.