അയ്യപ്പനും കോശിയും തെലുങ്ക് റീമേക്കില്‍ ‘കോശി കുര്യനെ’ പരിചയപ്പെടുത്തി പുതിയ ടീസര്‍ പുറത്തുവിട്ട് അണിയറപ്രവര്‍ത്തകര്‍. തെലുങ്കിലെത്തുമ്പോള്‍ കോശി കുര്യന്‍ ഡാനിയല്‍ ശേഖര്‍ ആകുന്നു. റാണ ദഗുബാട്ടിയുടെ ടീസറിലെ പ്രകടനം എടുത്തുപറയേണ്ടതാണ്. കാണുമ്പോള്‍ പൃഥ്വിരാജിനെ കടത്തിവെട്ടുമെന്നാണ് തോന്നുന്നതെന്നാണ് ആരാധകരുടെ കമന്റ്. യൂട്യൂബ് ട്രെന്‍ഡിംഗില്‍ ഒന്നാമതാണ് ടീസര്‍ വീഡിയോ . 38 ലക്ഷത്തില്‍ പരം പേരാണ് ടീസര്‍ കണ്ടിരിക്കുന്നത്.
ഭീംല നായക് എന്നാണ് ചിത്രത്തിന്റെ പേര്. സാഗര്‍ കെ. ചന്ദ്ര സംവിധാനം ചെയ്യുന്ന ചിത്രത്തില്‍ സംഭാഷണങ്ങള്‍ ഒരുക്കുന്നത് ത്രിവിക്രം ശ്രീനിവാസ് ആണ്.
തമന്‍ സംഗീതം. നിത്യ മേനോന്‍, സമുദ്രക്കനി എന്നിവരാണ് സിനിമയിലെ മറ്റ് അഭിനേതാക്കള്‍. ഛായാഗ്രഹണം രവി കെ. ചന്ദ്രന്‍. സിതാര എന്റര്‍ടെയ്ന്‍മെന്റ്‌സിന്റെ ബാനറില്‍ നാഗ വംശിയാണ് നിര്‍മാണം.
