ബിഗ് ബി സിനിമയ്ക്ക് ശേഷം അമല്‍ നീരദും മമ്മൂട്ടിയും ഒന്നിക്കുന്ന ചിത്രമാണ് ഭീഷ്മപര്‍വ്വം. ഭീഷ്മവര്‍ധന്‍ എന്ന കഥാപാത്രത്തെയാണ് ചിത്രത്തില്‍ മമ്മൂട്ടി അവതരിപ്പിക്കുന്നത്. മാസ് ലുക്കിലുള്ള താരത്തിന്റെ ലുക്ക് പോസ്റ്ററും പുറത്തെത്തിയിരുന്നു.
ചിത്രത്തില്‍ സൗബിന്‍ ഷാഹിര്‍ അവതരിപ്പിക്കുന്ന കഥാപാത്രത്തിന്റെ ക്യാരക്ടര്‍ പോസ്റ്റര്‍ ആണ് ഇപ്പോള്‍ പുറത്തു വന്നിരിക്കുന്നത്. അജാസ് എന്ന കഥാപാത്രത്തെയാണ് സൗബിന്‍ ചിത്രത്തില്‍ അവതരിപ്പിക്കുന്നത്. പെരുമഴയത്ത് മാസ് ലുക്കില്‍ നില്‍ക്കുന്ന സൗബിന്റെ പോസ്റ്റര്‍ ആണ് പുറത്തു വിട്ടിരിക്കുന്നത്.
പറവയിലെ സൗബിന്റെ കഥാപാത്രത്തെ അനുസ്മരിപ്പിക്കുന്നതാണ് പോസ്റ്ററിലെ ഫോട്ടോ. അതേസമയം, ബിഗ് ബിയുടെ രണ്ടാം ഭാഗമായ ബിലാല്‍ ഒരുക്കാനായിരുന്നു സംവിധായകന്റെ പ്ലാന്‍ എങ്കിലും കോവിഡ് പ്രതിസന്ധി കാരണം മാറ്റി വയ്ക്കുകയായിരുന്നു.
തബു, ഫര്‍ഹാന്‍ ഫാസില്‍, ഷൈന്‍ ടോം ചാക്കോ, ശ്രീനാഥ് ഭാസി, ദിലീഷ് പോത്തന്‍, അബു സലിം, പദ്മരാജ് രതീഷ്, ഷെബിന്‍ ബെന്‍സണ്‍, ലെന, ശ്രിന്ദ, ജിനു ജോസഫ്, വീണ നന്ദകുമാര്‍, ഹരീഷ് പേരടി, അനസൂയ ഭരദ്വാജ്, നദിയ മൊയ്തു, മാല പാര്‍വ്വതി തുടങ്ങി വന്‍ താരനിരയാണ് ചിത്രത്തില്‍ അണെിനിരക്കുന്നത്.