തരംഗം സൃഷ്ടിച്ച് വിജയ് ചിത്രം “ബിഗില്‍”. വിജയ്യുടെ കരിയറിലെ തന്നെ ഏറ്റവും വലിയ വിജയത്തിലേക്ക് കുതിക്കുന്ന ചിത്രം രണ്ട് ദിവസത്തിനുള്ളില്‍ തന്നെ നൂറ് കോടി നേട്ടത്തിലെത്തി. എജിഎസ് എന്റര്‍ടെയിന്‍മെന്റ്‌സിന്റെ ബാനറില്‍ നിര്‍മിച്ച ചിത്രം ആക്ഷന്‍, പ്രണയം, ഫുട്ബോള്‍ എന്നിവയ്ക്കൊപ്പം സ്ത്രീശാക്തീകരണം പോലുള്ള വിഷയങ്ങളും സംസാരിക്കുന്നുണ്ട്
നയന്‍താര നായികയായി എത്തിയ ബിഗിലില്‍ നടി വര്‍ഷ ബൊല്ലമ്മയും ശ്രദ്ധേയമായ കഥാപാത്രത്തിലെത്തിയിട്ടുണ്ട്. ശക്തമായ ഒരു കഥാപാത്രത്തെയാണ് വര്‍ഷ ബിഗിലില്‍ അവതരിപ്പിച്ചിരിക്കുന്നത്.
ഇപ്പോഴിതാ സോഷ്യല്‍ മീഡിയയില്‍ പ്രചരിക്കുന്ന സ്വന്തം മീം കണ്ട് പ്രതികരിച്ചിരിക്കുകയാണ് വര്‍ഷ. ബിഗിലിലെ വര്‍ഷയുടേതും നയന്‍താരയുടേതും കഥാപാത്രങ്ങള്‍ എത്തുന്ന സീനിന്റെ മീമിനാണ് വര്‍ഷയുടെ പ്രതികരണം.