ആദ്യ വീക്കെന്‍ഡില്‍ തന്നെ 150 കോടിയോളം കളക്ഷന്‍ നേടി ചരിത്രത്തിലിടം നേടിയിരിക്കുകയാണ് വിജയ് ചിത്രം ബിഗില്‍. ഇപ്പോഴിതാ .ചിത്രത്തെ തേടി വീണ്ടും ചില റെക്കോര്‍ഡുകള്‍ കൂടി എത്തിയിരിക്കുകയാണ്.
ഈ വര്‍ഷം ഫ്രാന്‍സില്‍ ഏറ്റവും കൂടുതല്‍ ആളുകള്‍ കണ്ട തമിഴ് ചിത്രം എന്ന ബഹുമതിയും ഈ സിനിമയ്ക്ക് ലഭിച്ചു കഴിഞ്ഞു. . ഫ്രാന്‍സില്‍ ആദ്യ വീക്കെന്‍ഡില്‍ ബിഗില്‍ കണ്ടവരുടെ എണ്ണം ഇരുപതിനായിരം കഴിഞ്ഞു. ഈ വര്‍ഷം മറ്റൊരു തമിഴ് സിനിമക്കും ഈ നേട്ടം ലഭിച്ചിട്ടില്ല. അവധി ദിനങ്ങളില്‍ മാത്രമല്ല,പ്രവര്‍ത്തി ദിനത്തില്‍ പോലും എല്ലായിടത്തും ഗംഭീര തിരക്കാണ് അനുഭവപ്പെടുന്നത്.അതുപോലെ സിംഗപ്പൂര്‍, നോര്‍വേ എന്നിവിടങ്ങളിലും ഈ വര്‍ഷം ഏറ്റവും കൂടുതല്‍ കളക്ഷന്‍ നേടുന്ന തമിഴ് സിനിമയായി ബിഗില്‍ മാറിയിരിക്കുകയാണ്.
ഇതിനിടെ കേരളത്തില്‍ നിന്ന് പത്തു കോടി രൂപയ്ക്കു മുകളില്‍ കളക്ഷന്‍ നേടിയിരിക്കുകയാണ് ബിഗില്‍. തമിഴ് നാട്ടില്‍ നിന്ന് ആദ്യ വീക്കെന്‍ഡില്‍ ചിത്രം നേടിയത് അറുപത്തിയാറു കോടി രൂപയാണ് ചിത്രത്തില്‍ മലയാളിയും ഫുട്‌ബോള്‍ താരവും നടനുമായ ഐ എം വിജയനും എത്തുന്നുണ്ട്. ഇളയദളപതി വിജയും തൊട്ടതെല്ലാം പൊന്നാക്കുന്ന സംവിധായകനായ അറ്റ്ലിയും ചേര്‍ന്ന് ദീപാവലിക്ക് വന്‍ ആഘോഷത്തിനുള്ള വക തന്നെയാണ് പ്രേക്ഷകര്‍ക്കായി ഒരുക്കിയിരിക്കുന്നത്.
