‘ജവാന്‍’ ചിത്രത്തിലൂടെ ബോളിവുഡില്‍ ഗംഭീര അരങ്ങേറ്റം കുറിച്ചിരിക്കുകയാണ് നയന്‍താര. 1000 കോടി കളക്ഷന്‍ പിന്നിട്ട് ഗംഭീര ഹിറ്റ് ആയി മാറിയിരിക്കുകയാണ് ജവാന്‍. ഇതോടെ ബോളിവുഡിലും ആരാധകരെ നേടിയെടുത്തിരിക്കുകയാണ് നയന്‍താര. എന്നാല്‍ വിമര്‍ശനങ്ങളാണ് നയന്‍താരയ്ക്ക് ഇപ്പോള്‍ ലഭിച്ചു കൊണ്ടിരിക്കുന്നത്.
നയന്‍താരയുടെ സൗന്ദര്യ സംരക്ഷക ഉല്‍പ്പന്നങ്ങളുടെ ബ്രാന്‍ഡായ 9സ്‌കിന്നിന് എതിരെയാണ് ചിലര്‍ രംഗത്തെത്തിയിരിക്കുന്നത്. സെപ്റ്റംബര്‍ 29നാണ് 9 സ്‌കിന്‍ ഔദ്യോഗികമായി ആരംഭിച്ചത്. എന്നാല്‍ സാധാരണക്കാര്‍ക്ക് താങ്ങുന്നതിനപ്പുറം വിലയാണ് ഇതിന്റെ ഉല്‍പ്പനങ്ങള്‍ക്ക് എന്നാണ് ആരാധകര്‍ അഭിപ്രായപ്പെടുന്നത്.
View this post on Instagram
മാത്രമല്ല പ്രൊഡക്റ്റിന്റെ പരസ്യത്തിന് വേണ്ടി എടുത്ത ഫോട്ടോകളില്‍ നയന്‍താരയുടെ മേക്കപ്പ് കൂടിപ്പോയി എന്നും ചിലര്‍ വിമര്‍ശിക്കുന്നുണ്ട്. 999 രൂപ മുതല്‍ 1899 വരെയാണ് വിവിധ ഉല്‍പ്പന്നങ്ങള്‍ക്ക് വിലയിട്ടിരിക്കുന്നത്. ഡേ ക്രീം, നൈറ്റ് ക്രീം, ആന്റി-ഏജിങ് സിറം, ഗ്ലോ സിറം, സ്‌കിന്റില്ലേറ്റ് ബൂസ്റ്റര്‍ ഓയില്‍ എന്നിവയാണ് ഉല്‍പ്പന്നങ്ങള്‍.
ഇതില്‍ 50 ഗ്രാം ഡേ ക്രീമിന് 1,799 രൂപയാണ് വില. 50 ഗ്രാം നൈറ്റ് ക്രീമിന് 1,899 രൂപ, ആന്റി-ഏജിങ് സിറത്തിന് 1,499 രൂപ, ഗ്ലോ സിറത്തിന് 1,199 രൂപ എന്നിങ്ങനെയാണ് വില. സോഷ്യല്‍ മീഡിയയില്‍ ഇതുവരെ സജീവമല്ലാതിരുന്ന നയന്‍സ് ജവാന്റെ റിലീസിനോട് അനുബന്ധിച്ചാണ് സോഷ്യല്‍ മീഡിയയിലെത്തുന്നത്. എ
ന്നാല്‍ തന്റെ ബ്രാന്‍ഡ് പ്രൊമോഷന് വേണ്ട മാത്രമാണ് താരം അക്കൗണ്ട് തുടങ്ങിയതെന്നും പ്രതികരണങ്ങളുണ്ട്. അതേസമയം, ‘ഇരൈവന്‍’ ആണ് നയന്‍താരയുടെതായി ഒടുവില്‍ തിയേറ്ററുകളില്‍ എത്തിയത്. ജയം രവിയാണ് ചിത്രത്തില്‍ നായകായത്.