ദളപതി വിജയ്‌യുടെ അവസാന ചിത്രമായ ദളപതി 69 പൂജ നടന്നു. ചെന്നൈയിൽ വച്ചായിരുന്നു ചടങ്ങ്. എച്ച്. വിനോദ് സംവിധാനം ചെയ്യുന്ന ‘ദളപതി 69’ ൽ മലയാളത്തിൽ നിന്നും മമിത ബൈജുവും നരേനും പ്രിയാമണിയും പ്രധാന വേഷങ്ങളിലെത്തുന്നുണ്ട്. ചിത്രത്തിന്റെ പ്രധാന അഭിനേതാക്കളും അണിയറപ്രവർത്തകരും ചടങ്ങിൽ പങ്കെടുത്തു.
ചിത്രത്തിലെ പ്രധാന അഭിനേതാക്കളെയും അണിയറപ്രവർത്തകരെയും ടീം ഔദ്യോഗികമായി പ്രഖ്യാപിച്ചു. ചിത്രത്തിൽ പൂജാ ഹെഗ്‌ഡെ നായികയായി എത്തിയപ്പോൾ മമിത ബൈജു ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. പ്രകാശ് രാജ്, പ്രിയാമണി, നരേൻ, ഗൗതം വാസുദേവ് മേനോൻ, ബോബി ഡിയോൾ എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. കെവിഎൻ പ്രൊഡക്ഷൻസ് നിർമ്മിക്കുന്ന ചിത്രത്തിൻ്റെ സംഗീത സംവിധായകൻ അനിരുദ്ധാണ്.
ചിത്രത്തിൽ വില്ലൻ വേഷത്തിലെത്തുക ബോബി ഡിയോൾ ആണ്. ഛായാഗ്രഹണം: സത്യൻ സൂര്യൻ, എഡിറ്റിങ്: പ്രദീപ് ഇ. രാഘവ്, സംഘട്ടനം: അനൽ അരസ് അതേസമയം വെങ്കട്ട് കെ നാരായണയാണ് കെ വി എൻ പ്രൊഡക്ഷന്റെ പേരിൽ ചിത്രം നിർമ്മിക്കുന്നത്. ജഗദീഷ് പളനിസ്വാമിയും ലോഹിത് എൻ കെയുമാണ് സഹനിർമാണം. തന്റെ അവസാന ചിത്രമായ ‘ദളപതി 69’ എന്ന ചിത്രത്തിലൂടെ അഭിനയ രംഗത്ത് നിന്നും വിടവാങ്ങുകയാണ് വിജയ്. ഒക്ടോബറിൽ ചിത്രീകരണം ആരംഭിക്കുന്ന ചിത്രം 2025 ഒക്ടോബറിൽ തിയറ്ററിലേക്കെത്തും.