ഒമര്‍ ലുലു സംവിധാനം ചെയ്യുന്ന ധമാക്കയിലെ സേവ് ദ ഡേറ്റ് ഗാനം ഗായകന്‍ വിധു പ്രതാപിന്റെ ശബ്ദത്തിലും. നാടന്‍പാട്ട് കലാകാരനായ പ്രണവം ശശി ആലപിച്ച ഗാനമാണ് വിധു പ്രതാപിന്റെ ശബ്ദത്തിലും പുറത്തെത്തിയിരിക്കുന്നത്. ഹരിനാരായണന്റെ വരികള്‍ക്ക് ഗോപിസുന്ദറിന്റേതാണ് സംഗീതം.
“ഹാപ്പി വെഡ്ഡിംഗ്”നും “ചങ്ക്‌സ്”, “അഡാര്‍ ലവ്” എന്നീ ചിത്രങ്ങള്‍ക്ക് ശേഷം മറ്റൊരു മുഴുനീള കോമഡി എന്റര്‍ടൈനറായാണ് ഒമര്‍ ലുലു ധമാക്ക ഒരുക്കുന്നത്. നിക്കി ഗല്‍റാണിയും അരുണ്‍ കുമാറുമാണ് ചിത്രത്തിലെ നായികാനായകന്മാരാവുന്നത്. ഇന്നസെന്റ്, സാബുമോന്‍, മുകേഷ്, ഉര്‍വ്വശി, നേഹ, ഹരീഷ് കണാരന്‍, ധര്‍മജന്‍ ബോള്‍ഗാട്ടി, ഷാലിന്‍ സോയ തുടങ്ങി വന്‍താരനിരയാണ് അണിനിരക്കുന്നത്.
ഗുഡ് ലൈന്‍ പ്രൊഡക്ഷന്‍സ് അവതരിപ്പിക്കുന്ന ധമാക്ക എം കെ നാസര്‍ ആണ് നിര്‍മ്മിക്കുന്നത്. സാരംഗ് ജയപ്രകാഷ്, വേണു ഓവി കിരണ്‍ ലാല്‍ എന്നിവര്‍ ചേര്‍ന്നാണ് തിരക്കഥയും സംഭാഷണവും ഒരുക്കുന്നത്. ഗോപി സുന്ദര്‍ ആണ് സംഗീതം. ഛായാഗ്രഹണം സിനോജ് പി അയ്യപ്പന്‍. ജനുവരി രണ്ടിന്‌ തിയേറ്ററുകളിലെത്തും.