‘കെജിഎഫിലൂടെ സിനിമാലോകത്തിന്റെ തന്നെ ശ്രദ്ധയാകര്‍ഷിച്ച നിര്‍മ്മാതാക്കളാണ് ഹോംബാലെ ഫിലിംസ്. പവന്‍ കുമാറിന്റെ സംവിധാനത്തില്‍ ഫഹദ് ഫാസില്‍ നായകനാകുന്ന ‘ധൂമം’ മലയാളത്തിലെ ഹോംബാലെയുടെ ആദ്യ നിര്‍മ്മാണ സംരംഭമാണ്. ചിത്രത്തിന്റെ ഫസ്റ്റ് ലുക്ക് അണിയറക്കാര്‍ പുറത്തുവിട്ടു.
‘തീയില്ലാതെ പുകയില്ല, ഇതാ ആദ്യത്തെ തീപ്പൊരി’ എന്ന് കുറിച്ചുകൊണ്ടാണ് ഹോംബാലെ ഫസ്റ്റ് ലുക്ക് പങ്കുവെച്ചത്. പ്ലാസ്റ്റര്‍ കൊണ്ട് വായ് മൂടിയ ഫഹദിന്റെ ചിത്രമാണ് പോസ്റ്ററില്‍ പ്രധാനം. അപര്‍ണ്ണ ബാലമുരളി, റോഷന്‍ തുടങ്ങിയവരും പല ഭാവങ്ങളില്‍ പോസ്റ്ററില്‍ ഉണ്ട്.
പ്രീത ജയരാമന്‍ ആണ് ചിത്രത്തിന്റെ ഛായാഗ്രഹണം നിര്‍വഹിക്കുന്നത്. പൂര്‍ണചന്ദ്ര തേജസ്വിയാണ് സംഗീത സംവിധാനം. സിനിമയുടെ ചിത്രീകരണം ഇതിനോടകം പൂര്‍ത്തിയായിട്ടുണ്ട്. ഹോംബാലെ ഫിലിംസിന്റെ ബാനറില്‍ വിജയ് കിരഗന്ദുര്‍ ആണ് ധൂമം നിര്‍മ്മിക്കുന്നത്. മലയാളം, കന്നട, തമിഴ്, തെലുങ്ക് എന്നീ ഭാഷകളിലാണ് ചിത്രം എത്തുക.