ദിലീപിനെ നായകനാക്കി എസ്.എല്‍. പുരം ജയസൂര്യ ഒരുക്കുന്ന ചിത്രം “ജാക്ക് ഡാനിയേല്‍” റിലീസിനൊരുങ്ങുകയാണ്. ചിത്രത്തില്‍ ജാക്ക് എന്ന മോഷ്ടാവായി ദീലീപ് എത്തുമ്പോള്‍ അന്വേഷണ ഉദ്യോഗസ്ഥന്റെ റോളില്‍ തമിഴകത്തിന്റെ ആക്ഷന്‍ കിംഗ് അര്‍ജുന്‍ സര്‍ജയാണ് എത്തുന്നത്.
ചിത്രത്തിന്റെ പ്രൊമോഷന്റെ ഭാഗമായി നടത്തിയ ഒരു അഭിമുഖത്തിനിടെ താന്‍ പണ്ട് സിക്‌സ് പാക്ക് ആയിരുന്നുവെന്ന് പറഞ്ഞിരിക്കുകയാണ് ദിലീപ്. “”ഞാന്‍ പണ്ട് സിക്‌സ് പാക്ക് ആയിരുന്നു. ബ്രൂസ് ലിയെ പോലെയൊക്കെ ആയിരുന്നു. എക്‌സ്‌റേ എടുക്കണമെങ്കില്‍ ഷര്‍ട്ട് അഴിച്ചാല്‍ മതി എന്ന് അന്ന് പറയുമായിരുന്നു”” എന്ന് തമാശരൂപേണ ദിലീപ് പറഞ്ഞു.
മിമിക്രി കാലഘട്ടത്ത് തീരെ മെലിഞ്ഞ രൂപമായിരുന്നു ദിലീപിന്. ഇതിനെ കുറിച്ചാണ് നടന്‍ പറഞ്ഞത്. തമീന്‍സ് ഫിലിംസിന്റെ ബാനറില്‍ ഷിബു തമീന്‍സ് ആണ് ജാക്ക് ഡാനിയേല്‍ നിര്‍മ്മിക്കുന്നത്. അഞ്ജു കുര്യന്‍ ആണ് നായിക. അജു വര്‍ഗ്ഗീസ് ദേവന്‍, സൈജു കുറുപ്പ് തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നു. ശിവകുമാര്‍ ആണ് വിജയന്‍ ഛായാഗ്രഹണം.
