ജനപ്രിയ നായകന്‍ വെള്ളിത്തിരയില്‍ വീണ്ടും സജീവമായെന്ന് പ്രേക്ഷകര്‍. ‘വോയിസ് ഓഫ് സത്യനാഥന്‍’ സിനിമയുടെ കളകഷന്‍ റിപ്പോര്‍ട്ടുകളാണ് സോഷ്യല്‍ മീഡിയയില്‍ ഇപ്പോള്‍ പ്രചരിച്ചു കൊണ്ടിരിക്കുന്നത്. ആദ്യ ദിനം 1.80 കോടി രൂപ ബോക്‌സോഫീസില്‍ നിന്നും നേടിയ ചിത്രം മൂന്നാം ദിനം വലി കളക്ഷനാണ് നേടിയത്.
രണ്ടാം ദിവസം 2.05 കോടി രൂപയാണ് തിയേറ്ററുകളില്‍ നിന്നും നേടിയത്. മൂന്നാം ദിനം 2.55 കോടിയാണ് ചിത്രം നേടിയത്. ഇതോടെ മൊത്തം 6.40 കോടി രൂപയാണ് ചിത്രം തിയേറ്ററുകളില്‍ നിന്നും വാരിയത്. ദിലീപിന്റെ തിരിച്ചു വരവാണ് ചിത്രം എന്നാണ് പ്രേക്ഷകരുടെ അഭിപ്രായം.
ജോജു ജോര്‍ജ്, സിദ്ധിഖ് എന്നിവരുടെ പ്രകടനങ്ങളും ശ്രദ്ധ നേടുകയാണ്. ബാദുഷ സിനിമാസിന്റേയും ഗ്രാന്റ് പ്രൊഡക്ഷന്‍സിന്റെയും ബാനറില്‍ എന്‍.എം ബാദുഷ, ഷിനോയ് മാത്യു, ദിലീപ്, രാജന്‍ ചിറയില്‍ എന്നിവര്‍ ചേര്‍ന്നാണ് ചിത്രം നിര്‍മ്മിച്ചത്. സംഗീതം: അങ്കിത് മേനോന്‍.
എഡിറ്റര്‍: ഷമീര്‍ മുഹമ്മദ്, വസ്ത്രാലങ്കാരം: സമീറ സനീഷ്, കലാ സംവിധാനം: എം ബാവ, എക്സിക്യൂട്ടീവ് പ്രൊഡ്യൂസര്‍-മഞ്ജു ബാദുഷ, നീതു ഷിനോജ്, കോ പ്രൊഡ്യൂസര്‍: രോഷിത് ലാല്‍ വി 14 ലവന്‍ സിനിമാസ്, പ്രിജിന്‍ ജെ പി, ജിബിന്‍ ജോസഫ് കളരിക്കപ്പറമ്പില്‍, ഛായാഗ്രഹണം: സ്വരൂപ് ഫിലിപ്പ്.