തന്റെ മുന്‍കാല പ്രണയബന്ധങ്ങളെ കുറിച്ച് തുറന്നു പറഞ്ഞ് നടന്‍ കൃഷ്ണകുമാറിന്റെ മകള്‍ ദിയ കൃഷ്ണ. പ്രതിശ്രുത വരനായ അശ്വിനോടൊപ്പമുള്ള വീഡിയോയിലാണ് ദിയ സംസാരിച്ചത്. മുമ്പ് തനിക്ക് മൂന്ന്-നാല് പ്രണയബന്ധങ്ങള്‍ ഉണ്ടായിരുന്നു. പക്ഷെ അവര്‍ക്കൊക്കെ മറ്റു സ്ത്രീകളുമായി ബന്ധമുണ്ടായിരുന്നതിനാല്‍ ഒഴിവാക്കുകയായിരുന്നു എന്നാണ് ദിയ പറയുന്നത്.
”എനിക്ക് മോശമായ ഒരു ഭൂതകാലം ഉണ്ടായിരുന്നു എന്ന് പറയേണ്ടി വരും. ഞാന്‍ ഒരു വലിയ പ്രേമരോഗിയാണ്. ഞാന്‍ ഒരുപാട് റൊമാന്റിക് ആയ ആളാണ്. ഒരു മോശം അനുഭവം വന്നാല്‍ മാത്രമേ പിന്നീട് നന്നായി മുന്നോട്ട് പോകാന്‍ പറ്റൂ.”
”നല്ലൊരു ജീവിതം ഉണ്ടായിട്ട് നമ്മുടെ കൈപ്പിഴ കൊണ്ട് ഒരു മോശം അനുഭവം ഉണ്ടായെങ്കില്‍ അതില്‍ നമ്മള്‍ പശ്ചാത്തപിക്കേണ്ടി വരും. പക്ഷെ എന്റെ കാര്യം അങ്ങനെ അല്ല. എന്റെ ജീവിതത്തില്‍ എനിക്ക് മൂന്ന്-നാല് പ്രണയബന്ധങ്ങള്‍ ഉണ്ടായിട്ടുണ്ട്. അതില്‍ വേറൊരു പെണ്ണുമായി അടുപ്പമില്ലാത്ത ഒരാളുപോലും ഇല്ലായിരുന്നു.”
”ആരും ഡീസന്റ് അല്ലായിരുന്നു. തൊട്ടു മുന്നത്തെ ആളെ ഞാന്‍ പേരെടുത്ത് പറയുന്നില്ല, ഞാന്‍ പറയുന്നത് എല്ലാവരെയും പറ്റി ആണ്. ഓരോരുത്തരും സോഷ്യല്‍ മീഡിയയില്‍ ഡീസന്റ് ആയി കാണിക്കും, പക്ഷേ എല്ലാ അവന്മാര്‍ക്കും രഹസ്യ ബന്ധങ്ങള്‍ ഉണ്ടായിരുന്നു.”
”ഓരോരുത്തരെയും കണ്ട പെണ്ണുങ്ങളുടെ കൂടെ കയ്യോടെ പിടിക്കേണ്ടി വന്നിട്ടുണ്ട്. അതുകൊണ്ടു അവരെ ഒക്കെ ഒഴിവാക്കേണ്ടി വന്നിട്ടുണ്ട്. ഒരു മോശമായ ഭൂതകാലം ഉണ്ടായാല്‍ മാത്രമേ നമുക്ക് നല്ലൊരു ഭാവിയിലേക്ക് പോകാന്‍ പറ്റൂ എന്നാണ് എനിക്ക് തോന്നുന്നത്” എന്നാണ് ദിയ പറയുന്നത്.