‘സല്യൂട്ട്’ ചിത്രത്തിന്റെ പുതിയ വിശേഷം പങ്കുവച്ച് ദുല്‍ഖര്‍ സല്‍മാന്‍. റോഷന്‍ ആന്‍ഡ്രൂസ് സംവിധാനം ചെയ്യുന്ന ചിത്രത്തിന്റെ ട്രെയ്‌ലര്‍ ഡിസംബര്‍ 24ന് വൈകിട്ട് ആറ് മണിക്ക് റിലീസ് ചെയ്യും. ചിത്രം ജനുവരി 14ന് ആണ് തിയേറ്ററുകളില്‍ എത്തുക.
മുംബൈ പൊലീസിന് ശേഷം റോഷന്‍ ആന്‍ഡ്രൂസ് ഒരുക്കുന്ന പൊലീസ് മൂവി കൂടിയാണ് സല്യൂട്ട്. ചിത്രത്തിന് തിരക്കഥ ഒരുക്കിയിരിക്കുന്നത് ബോബി-സഞ്ജയ് കൂട്ടുകെട്ടാണ്. വേഫറെര്‍ ഫിലിംസിന്റെ ബാനറില്‍ ദുല്‍ഖര്‍ സല്‍മാന്‍ നിര്‍മ്മിക്കുന്ന അഞ്ചാമത്തെ ചിത്രം കൂടിയാണിത്.
ബോളിവുഡ് താരവും മോഡലുമായ ഡയാന പെന്റി ആണ് ചിത്രത്തില്‍ നായിക. മനോജ് കെ ജയന്‍, അലന്‍സിയര്‍, ബിനു പപ്പു, വിജയകുമാര്‍, ലക്ഷ്മി ഗോപാല സ്വാമി, സാനിയ ഇയ്യപ്പന്‍ തുടങ്ങിയവര്‍ മറ്റു പ്രധാന വേഷങ്ങളില്‍ എത്തുന്നു.
ജേക്‌സ് ബിജോയ്‌യാണ് ചിത്രത്തിന് സംഗീത ഒരുക്കുന്നത്. ശ്രീകര്‍ പ്രസാദാണ് എഡിറ്റിംഗ്. ഛായാഗ്രഹണം-അസ്‌ലം പുരയില്‍, മേക്കപ്പ്-സജി കൊരട്ടി, വസ്ത്രാലങ്കാരം-സുജിത് സുധാകരന്‍, ആര്‍ട്ട്-സിറില്‍ കുരുവിള, സ്റ്റില്‍സ്-രോഹിത്, പ്രൊഡക്ഷന്‍ കണ്‍ട്രോളര്‍-സിദ്ധു പനയ്ക്കല്‍.
ചീഫ് അസോസിയേറ്റ് ഡയറക്ടര്‍-കെ.സി രവി. അസോസിയേറ്റ് ഡയറക്ടര്‍-ദിനേഷ് മേനോന്‍, ഫര്‍സ്റ്റ് എ.ഡി- അമര്‍ ഹാന്‍സ്പല്‍, അസിസ്റ്റന്റ് ഡയറക്ടേഴ്സ്-അലക്‌സ് ആയിരൂര്‍, ബിനു കെ. നാരായണന്‍, സുബീഷ് സുരേന്ദ്രന്‍, രഞ്ജിത്ത് മടത്തില്‍, പി.ആര്‍.ഒ – മഞ്ജു ഗോപിനാഥ്.