രണ്ടു വയസ്സുകാരി മറിയം അമീറാ സല്‍മാന്‍ മലയാളി സിനിമ പ്രേക്ഷകര്‍ക്ക് അപരിചിതയല്ല. മമ്മൂട്ടിയുടെ പേരക്കുട്ടി, ദുല്‍ഖറിന്റെ കുഞ്ഞു മറിയം പൊതു വേദിയില്‍ തന്റെ കുസൃതികളുമായി എത്തി സോഷ്യല്‍ മീഡിയയയില്‍ താരമാകാറുണ്ട്. ഇപ്പോഴിതാ ദുല്‍ഖറിനൊപ്പമുള്‌ള കുഞ്ഞുമറിയത്തിന്റെ ചിത്രമാണ് സോഷ്യല്‍ മീഡിയില്‍ വൈറലാകുന്നത്.
ദുല്‍ഖറിനൊപ്പം നില്‍ക്കുന്ന മറിയമാണ് ഫോട്ടോയില്‍. നില്‍പ്പില്‍ പോലും ഒരുപോലെ എന്ന തലക്കെട്ടോടെ ദുല്‍ഖര്‍ തന്നെയാണ് ചിത്രം പങ്കുവെച്ചിരിക്കുന്നത്. ഭാര്യ അമാല്‍ സൂഫിയ എടുത്ത ചിത്രമാണിത്. 2017 മെയ് മാസം അഞ്ചാം തീയതിയാണ് താരകുടുംബത്തിലേക്ക് കുഞ്ഞതിഥി എത്തിയത്.
സത്യന്‍ അന്തിക്കാടിന്റെ മകന്‍ അനൂപ് സത്യന്‍ സംവിധാനം ചെയ്യുന്ന ചിത്രത്തില്‍ ആണ് ദുല്‍ഖര്‍ ഇപ്പോല്‍ അഭിനയിക്കുന്നത്. ചിത്രം നിര്‍മിക്കുന്നതും ദുല്‍ഖര്‍ ആണ്. സുരേഷ് ഗോപി, ശോഭന, കല്യാണി പ്രിയദര്‍ശന്‍ തുടങ്ങിയവരാണ് ചിത്രത്തിലെ മറ്റ് താരങ്ങള്‍.