“തീവണ്ടി”ക്ക് ശേഷം ടോവിനോ തോമസ്-സംയുക്ത മേനോന്‍ എന്നിവര്‍ വീണ്ടും ഒന്നിക്കുന്ന “എടക്കാട് ബറ്റാലിയന്‍ 06” നാളെ തിയേറ്ററുകളിലേക്ക് എത്തും. ടൊവിനോ ആദ്യമായി പട്ടാള വേഷത്തിലെത്തുന്ന ചിത്രം പട്ടാളക്കാര്‍ക്കുള്ള ആദരവും കൂടെ ഒരു ഓര്‍മപ്പെടുത്തലുമാണെന്ന് ടൊവിനോ ചിത്രത്തെ കുറിച്ച് വ്യക്തമാക്കുന്നത്.
ചിത്രത്തില്‍ ഷെഫീഖ് എന്ന കഥാപാത്രത്തെയാണ് ടൊവിനോ അവതരിപ്പിക്കുന്നത്. ടൊവിനോ വിവാഹം ചെയ്യാനൊരുങ്ങുന്ന പെണ്‍കുട്ടിയായാണ് സംയുക്ത എത്തുന്നത്. ചിത്രത്തിന്റേതായി പുറത്തിറങ്ങിയ ടീസറുകളും ഗാനങ്ങളും പ്രേക്ഷകര്‍ ഏറ്റെടുത്തിരുന്നു.
പി. ബാലചന്ദ്രന്റെ തിരക്കഥയില്‍ നവാഗതനായ സ്വപ്നേഷ് നായരാണ് സംവിധാനം. കാര്‍ണിവല്‍ മോഷന്‍ പിക്ചേഴ്സും റൂബി ഫിലിംസും ചേര്‍ന്നാണ് ചിത്രം നിര്‍മ്മിക്കുന്നത്. കൈലാസ് മേനോന്‍ സംഗീതവും സിനു സിദ്ധാര്‍ത്ഥ് ഛായാഗ്രഹണവും നിര്‍വഹിക്കുന്നു. പി.ബാലചന്ദ്രനാണ് ചിത്രത്തിന് തിരക്കഥ ഒരുക്കുന്നത്.