ടൊവിനോ തോമസ് പട്ടാളവേഷത്തില്‍ എത്തുന്ന എടക്കാട് ബറ്റാലിയന്‍ 06 ലെ പുതിയ വീഡിയോ ഗാനം റിലീസ് ചെയ്തു. “ഷെഹനായി മുളുന്നുണ്ടേ…” എന്നു തുടങ്ങുന്ന മനോഹര ഗാനമാണ് റിലീസ് ചെയ്തിരിക്കുന്നത്. സിത്താരയും യാസിന്‍ നിസാറും ചേര്‍ന്നാണ് ഗാനം ആലപിച്ചിരിക്കുന്നത്. മനു മഞ്ജിത്തിന്റെ വരികള്‍ക്ക് കൈലാസ് മേനോന്‍ ഈണം പകര്‍ന്നിരിക്കുന്നു.
നവാഗതനായ സ്വപ്നേഷ് നായരാണ് എടക്കാട് ബറ്റാലിയന്‍ സംവിധാനം ചെയുന്നത്. കമ്മട്ടിപ്പാടം എന്ന സൂപ്പര്‍ഹിറ്റ് ചിത്രത്തിന് ശേഷം പി.ബാലചന്ദ്രന്‍ തിരക്കഥ ഒരുക്കുന്ന ചിത്രം കൂടിയാണിത്. ദിവ്യാ പിളെള, പി ബാലചന്ദ്രന്‍, രേഖ, സന്തോഷ് കീഴാറ്റുര്‍, നിര്‍മ്മല്‍ പാലാഴി, ശങ്കര്‍ ഇന്ദു ചൂഡന്‍, ശാലു റഹിം തുടങ്ങിയവരാണ് മറ്റു പ്രധാന വേഷങ്ങളില്‍ എത്തുന്നത്. ചിത്രത്തില്‍ സംയുക്ത മേനോനാണ് നായിക.
കാര്‍ണിവല്‍ മോഷന്‍ പിക്ചേഴ്സും റൂബി ഫിലിംസും ചേര്‍ന്നാണ് നിര്‍മാണം. കൈലാസ് മേനോന്‍ സംഗീതവും സിനു സിദ്ധാര്‍ത്ഥ് ക്യാമറയും നിര്‍വഹിക്കുന്നു. ചിത്രത്തിന്റേതായി നേരത്തെ പുറത്തിറങ്ങി ഗാനങ്ങളും ടീസറുകളും ശ്രദ്ധ നേടിയിരുന്നു. ചിത്രം ഈ മാസം 18 ന് തിയേറ്ററുകളിലെത്തും.