ബോളിവുഡ് താരവുമായി നടി എസ്തര്‍ അനില്‍ പ്രണയത്തിലാണെന്ന് റിപ്പോര്‍ട്ടുകള്‍. നടന്‍ ടൈഗര്‍ ഷ്രോഫുമായി താരം പ്രണയത്തിലാണെന്ന റിപ്പോര്‍ട്ടുകളാണ് ഇപ്പോള്‍ പ്രചരിച്ചു കൊണ്ടിരിക്കുന്നത്. ദിഷ പഠാനിയുമായി പിരിഞ്ഞതിന് ശേഷം എസ്തറുമായി ടൈഗര്‍ ഡേറ്റിംഗിലാണ് എന്ന വാര്‍ത്തകളാണ് പ്രചരിക്കുന്നത്.
ബോളിവുഡ് വാര്‍ത്തകള്‍ റിപ്പോര്‍ട്ട് ചെയ്യുന്ന ഒരു പോര്‍ട്ടലിന്റെ ഇന്‍സ്റ്റഗ്രാം പേജിലാണ് ടൈഗര്‍ ഡേറ്റ് ചെയ്യുന്ന വ്യക്തിയുടെ സ്ഥാനത്ത് എസ്തര്‍ അനിലിന്റെ മുഖം പ്രത്യക്ഷപ്പെട്ടത്. ടൈഗറും പുതിയ കാമുകിയും നില്‍ക്കുന്ന ചിത്രത്തിലാണ് എസ്തറിന്റെ ഫോട്ടോ കൂടി ഉള്‍പ്പെട്ടത്.
ഇതിന്റെ സ്‌ക്രീന്‍ ഷോട്ട് സഹിതം എസ്തര്‍ തന്റെ ഇന്‍സ്റ്റഗ്രാം പേജില്‍ സ്റ്റോറിയായി പോസ്റ്റ് ചെയ്തു. ‘വെരി ഇന്ററസ്റ്റിംഗ്’ എന്ന് പറഞ്ഞു കൊണ്ടാണ് എസ്തറിന്റെ പ്രതികരണം. അതേസമയം എസ്തറിന്റെ പേര് എങ്ങനെയാണ് ഈ ചിത്രത്തില്‍ കടന്നു കൂടിയെന്നതില്‍ വ്യക്തതയില്ല.
ബാലതാരമായി സിനിമയില്‍ എത്തിയ എസ്തറിന് മോഹന്‍ലാല്‍ ചിത്രമായ ‘ദൃശ്യം’ ആണ് താരത്തിന് ശ്രദ്ധ നേടി കൊടുത്തത്. മലയാളത്തിന് പുറമെ തമിഴ്, തെലുങ്ക് ഭാഷകളിലും ദൃശ്യത്തിലെ കഥാപാത്രം അവതരിപ്പിച്ച് പ്രേക്ഷകരുടെ പ്രീതി നേടാന്‍ എസ്തറിന് കഴിഞ്ഞിരുന്നു.