ബ്ലെസിയുടെ തന്മാത്രയില് പരിപൂര്ണ്ണ നഗ്നയായി മോഹന്ലാലിനൊപ്പം അഭിനയിച്ച സീനിനെ പറ്റി നടി മീര വാസുദേവ് തുറന്നു പറഞ്ഞു. കൈരളി ചാനലിലെ ജോണ്ബ്രിട്ടാസ് അവതരിപ്പിക്കുന്ന ജെബി ജംഗ്ഷന് പരിപാടിയിലാണ് നായികയുടെ തുറന്നു പറച്ചിലുണ്ടായത്. ഒരുപാട് നായികമാര് ആ സീന് അഭിനയിക്കാന് ബുദ്ധിമുട്ടാണെന്ന് പറഞ്ഞ് സിനിമയില് നിന്നും ഒഴിവായിരുന്നെന്നും എന്നാല് തനിക്ക് ആ രംഗം ഒരു പ്രശ്നമായി തോന്നിയില്ലെന്നും മീര വാസുദേവ് പറഞ്ഞു. സിനിമയെക്കുറിച്ചുള്ള ചര്ച്ചകള് ആരംഭിച്ചപ്പോള് ബ്ലെസിയോട് ഈ സീനിനെ പറ്റി ദീര്ഘനേരം സംസാരിച്ചിരുന്നു. ഷൂട്ട് ചെയ്യുന്ന സമയം ചിലരെ ഒഴിവാക്കണമെന്ന ഡിമാന്ഡ് മാത്രമാണ് താന് മുന്നോട്ടുവച്ചതെന്നും മീര പറയുന്നു.
സംവിധായകന് ബ്ലെസി, ക്യാമറാമാന് സേതു, അസോസിയേറ്റ് ക്യാമറമാന്, മോഹന്ലാലിന്റെ മേക്കപ്പ്മാന്, പിന്നെ തന്റെ ഹെയര് സ്റ്റൈലിസ്റ്റ് എന്നിവര് മാത്രമാണ് ചിത്രീകരണ സമയത്ത് ആ റൂമില് ഉണ്ടായിരുന്നതെന്ന് മീര പറഞ്ഞു. മോഹന്ലാല്, ഒരു വലിയ പ്രൊഫൈലില് നില്ക്കുന്ന നടനാണ്. എന്നിട്ട് പോലും അദ്ദേഹം ഈ സീന് അഭിനയിക്കാന് തയ്യാറായി. മോഹന്ലാല് സാറിനൊപ്പം ഈ സീന് ചെയ്തതില് തനിക്ക് സന്തോഷവും അഭിമാനവും ഉണ്ടെന്ന് മീര പറഞ്ഞു.
സിനിമയില് നിന്ന് മറ്റ് നായികമാര് പിന്മാറിയതിന്റെ കാരണം തനിക്ക് അറിയില്ല. അതിനെക്കുറിച്ച് ആലോചിച്ചിട്ടുമില്ല. ഈ കഥാപാത്രം അവരുടെ നഷ്ടമാണോ എന്നറിയില്ല. പക്ഷേ തനിക്ക് എല്ലാത്തരത്തിലും നേട്ടം മാത്രമാണെന്നും മീര പറഞ്ഞു.
Read more
https://www.facebook.com/PeopleTelevision/videos/1376144922510911/