മികച്ച പ്രതികരണങ്ങളുമായി പ്രദര്‍ശനം തുടരുകയാണ് ശംഭു പുരുഷോത്തമന്‍ സംവിധാനം ചെയ്ത “പാപം ചെയ്യാത്തവര്‍ കല്ലെറിയട്ടെ” ചിത്രം. വിനയ് ഫോര്‍ട്ട് നായകനായ ചിത്രം ഒരു ആക്ഷേപഹാസ്യമായാണ് ഒരുക്കിയിരിക്കുന്നത്. ചിത്രത്തിനെ കുറിച്ചുള്ള പി.ജെ സുജന്ത് കുമാര്‍ എഴുതിയ കുറിപ്പാണ് സോഷ്യല്‍ മീഡിയയില്‍ ശ്രദ്ധേയമാകുന്നത്.
ഫെയ്‌സ്ബുക്ക് കുറിപ്പ്:
വിവാദപരമായ അരങ്ങേറ്റത്തിന് ശേഷം ഒരുകൂട്ടം പരിചിതമായ മുഖങ്ങളുമായി ശംഭു പുരുഷോത്തമന്‍ പാപം ചെയ്യാത്തവര്‍ കല്ലെറിയട്ടെ എന്ന ചിത്രവുമായി എത്തിയിരിക്കുകയാണ്. അദ്ദേഹത്തിന്റെ അവസാനത്തെ സിനിമ മലയാളിയുടെ കപട ധാര്‍മ്മികതയെ വിമര്‍ശിച്ചായിരുന്നു. പാപം ചെയ്യാത്തവര്‍ കല്ലെറിയട്ടെയും അതേ പാതയിലാണ്, പക്ഷേ ഇത്തവണ അളവ് കൂടുതലാണ്… പ്രധാന അഭിനേതാക്കളുടെ മികച്ച പ്രകടനം തന്നെയാണ് പാപം ചെയ്യാത്തവര്‍ കല്ലെറിയട്ടെയില്‍ എടുത്തുനില്‍ക്കുന്നത്. വിനയ് ഫോര്‍ട്ട്, ടിനി ടോം, അലന്‍സിയര്‍, ശ്രിന്ദ എന്നിവര്‍ തങ്ങളുടെ വേഷങ്ങള്‍ മികച്ചതാക്കി… അയ്യപ്പനും കോശിക്കും ശേഷവും അനില്‍ പി. നെടുമങ്ങാടും ഏറ്റവും മികച്ച സ്പൂഫ് കഥാപാത്രം അവതരിപ്പിച്ചു.
മന്ദഗതിയിലുള്ള കഥ പറച്ചിലും തിരക്കഥയുടെ വിനിയോഗവും ഇതില്‍ കൂടുതല്‍ ചിരിക്കാനുള്ള വകയൊരുക്കി. പാപം ചെയ്യാത്തവര്‍ കല്ലെറിയട്ടെ മലയാളിയുടെ കാപട്യങ്ങള്‍ക്ക് നേരെയുള്ള ശക്തമായ കൊട്ടാണ്. രസകരവും കണ്ടിരിക്കാന്‍ പറ്റിയതുമായ സിനിമയാണിത്.