രജനികാന്തിനെ നായകനാക്കി തെന്നിന്ത്യൻ സെൻസേഷൻ ലോകേഷ് കനകരാജ് സംവിധാനം ചെയ്യുന്ന ‘കൂലി’ എന്ന ചിത്രത്തിൽ മലയാളത്തിൽ നിന്നും ഫഹദ് ഫാസിലും ഭാഗമാവുന്നു എന്ന് റിപ്പോർട്ടുകൾ. ഇപ്പോൾ ടിജെ ജ്ഞാനവേൽ സംവിധാനം ചെയ്യുന്ന രജനികാന്ത് ചിത്രം ‘വേട്ടയ്യന്റെ’ ചിത്രീകരണത്തിലാണ് ഫഹദ് ഇപ്പോൾ.
നേരത്തെ ലോകേഷ് കനകരാജിന്റെ ‘വിക്രം’ എന്ന ചിത്രത്തിൽ അമർ എന്ന കഥാപാത്രമായി ഗംഭീര പ്രകടനമായിരുന്നു ഫഹദ് നടത്തിയത്. കൂലിയിൽ ഫഹദ് ഏത് കഥാപാത്രമായിരിക്കും ചെയ്യുകയെന്നത് പുറത്തുവന്നിട്ടില്ല. ചിത്രത്തിൽ വില്ലനായാണോ ഫഹദ് എത്തുന്നതെന്നും പ്രേക്ഷകർ ആകാംക്ഷയോടെ നോക്കികാണുന്നു.
#FahadhFaasil Playing a CRUCIAL Role in #RajiniKanth – #LokeshKanagaraj – #COOLIE FILM 😳😳😳🔥🔥🔥 pic.twitter.com/O2zOWToXv3
— GetsCinema (@GetsCinema) June 13, 2024
സ്വർണ്ണ കളക്കടത്തുമായി ബന്ധപ്പെട്ട കഥയാണ് ആക്ഷൻ ത്രില്ലർ ഴോണറിൽ ഒരുങ്ങുന്ന കൂലിയുടെ പ്രമേയം. ഈ വർഷം പകുതിയോടെ ചിത്രീകരണമാരംഭിക്കുന്ന കൂലിയിൽ തമിഴ് യുവതാരം ശിവകാര്‍ത്തികേയന്‍ മറ്റൊരു പ്രധാന വേഷത്തിലെത്തുന്നുണ്ട്.
#fahadhfaasil #rajinikanth #coolie #Vettaiyan #lokeshkanagaraj pic.twitter.com/DmHgCAaeWZ
— DOE CINEMA (@doecinema) June 13, 2024
അനിരുദ്ധ് രവിചന്ദർ സംഗീത സംവിധാനം നിർവഹിക്കുന്ന ചിത്രത്തിൽ ആക്ഷൻ കൊറിയോഗ്രഫി ഒരുക്കുന്നത് അൻപറിവ് മാസ്റ്റേഴ്സ് ആണ്. ഗിരീഷ് ഗംഗാധരൻ ഛായാഗ്രഹണവും ഫിലോമിൻരാജ് എഡിറ്റിങ്ങും നിർവഹിക്കുന്നു. സൺ പിക്ചേഴ്സിന്റെ ബാനറിൽ കലാനിധി മാരനാണ് ചിത്രം നിർമ്മിക്കുന്നത്.
