ഒറ്റ ദിവസം നാല് സിനിമകൾ; വീണ്ടും ഞെട്ടിച്ച് സോഫിയ പോൾ; ഇത്തവണ കൂടെ അൻവർ റഷീദും

മലയാളത്തിൽ പ്രൊഡ്യൂസ് ചെയ്യുന്ന സിനിമകളുടെ ക്വാളിറ്റി കൊണ്ട് സിനിമാ ചർച്ചകളിൽ ഏറ്റവും കൂടുതൽ ഉയർന്നു കേട്ട പേരാണ് സോഫിയ പോളിന്റെ വീക്കന്റ് ബ്ലോക്ക്ബസ്റ്റേഴ്സ്. ആദ്യ സിനിമയായ ബാംഗ്ലൂർ ഡെയ്സ് മുതൽ ഇങ്ങോട്ട് ഇതുവരെ ആകെ 6 സിനിമകൾ.

ആറ് എണ്ണവും നഷ്ടത്തിലാവാതെ സാമ്പത്തിക വിജയം നേടിയവയാണ്. ബാംഗ്ലൂർ ഡെയ്സ്, കാട് പൂക്കുന്ന നേരം, മുന്തിരി വള്ളികൾ തളിർക്കുമ്പോൾ, പടയോട്ടം, മിന്നൽ മുരളി, ആർ. ഡി. എക്സ് എന്നിവയാണ് ആ ആറ് സിനിമകൾ. വീക്കന്റ് ബ്ലോക്ക്ബസ്റ്റേഴ്സ് അവരുടെ പത്താമത്തെ വർഷം പൂർത്തിയാക്കുകയാണ് ഈ വർഷം. അതിനോടനുബന്ധിച്ച് നാല് പുതിയ സിനിമകളുടെ പ്രഖ്യാപനമാണ് ഇന്നലെ വന്നത്. നാലും വലിയ പ്രതീക്ഷ നൽകുന്ന പ്രൊജക്ട്സ്.

അതിൽ അൻവർ റഷീദിനൊപ്പം വീക്കന്റ് ബ്ലോക്ക്ബസ്റ്റേഴ്സ് വീണ്ടുമൊന്നിക്കുന്നു എന്ന വാർത്തയാണ് സിനിമ പ്രേക്ഷകരെ ഏറ്റവും കൂടുതൽ സന്തോഷത്തിലാക്കുന്നത്. വീക്കന്റ് ബ്ലോക്ക്ബസ്റ്റേഴ്സിന്റെ പത്താമത് ചിത്രമായിരിക്കും അൻവർ റഷീദ് സംവിധാനം ചെയ്യുന്ന ചിത്രം. പ്രൊഡക്ഷൻ നമ്പർ 10 എന്നാണ് ഇപ്പോൾ സിനിമയ്ക്ക് നൽകിയിരിക്കുന്ന ടാഗ് ലൈൻ. അഞ്ജലി മേനോൻ തിരക്കഥയെഴുതി സംവിധാനം ചെയ്ത ബാംഗളൂർ ഡെയ്സ് എന്ന സിനിമയിൽ അൻവർ റഷീദായിരുന്നു കോ പ്രൊഡ്യൂസർ. ട്രാൻസ് എന്ന സിനിമയ്ക്ക് ശേഷം അൻവർ റഷീദ് വീണ്ടും സംവിധാന കുപ്പായമണിയുമ്പോൾ പ്രതീക്ഷകൾ ഏറെയാണ്. ചിത്രത്തിന്റെ മറ്റ് വിവരങ്ങൾ ഇതുവരെ ലഭ്യമായിട്ടില്ല.

ആന്റണി വർഗീസിനെ നായകനാക്കി നവാഗതനായ അജിത്ത് മാമ്പള്ളി സംവിധാനം ചെയ്യുന്ന ചിത്രമായിരിക്കും വീക്കന്റ് ബ്ലോക്ക്ബസ്റ്റേഴ്സിന്റെ ഏഴാമത് നിർമ്മാണ സംരംഭം, പ്രൊഡക്ഷൻ നമ്പർ 7 എന്നാണ് ഈ സിനിമയ്ക്ക് നൽകിയിരിക്കുന്ന ടാഗ് ലൈൻ. ജാനെ മൻ, മഞ്ഞുമ്മൽ ബോയ്സ് തുടങ്ങീ സിനിമകളിലൂടെ മലയാളി പ്രേക്ഷകർക്ക് പരിചിതനായ ചിദംബരം സംവിധാനം ചെയ്യുന്ന സിനിമയാണ് എട്ടാമതായി വീക്കന്റ് ബ്ലോക്ക്ബസ്റ്റേഴ്സ് നിർമ്മിക്കുന്നത്.

ആർ. ഡി. എക്സ് എന്ന സിനിമയുടെ ഗംഭീര വിജയത്തിന് ശേഷം നഹാസ് ഹിദായത്തും സോഫിയ പോളും വീണ്ടുമൊന്നിക്കുന്ന ചിത്രമാണ് വീക്കന്റ് ബ്ലോക്ക്ബസ്റ്റേഴ്സിന്റെ ഒൻപതാമത് സിനിമ. ആർ. ഡി. എക്സ് 80 കോടി രൂപയോളം കളക്ഷൻ നേടി തിയേറ്ററിൽ നിറഞ്ഞ സദസുകളിൽ ഓടിക്കൊണ്ടിരിക്കുമ്പോഴാണ് പുതിയ ചിത്രത്തിന്റെ പ്രഖ്യാപനമെന്നതും ശ്രദ്ധേയമാണ്.

Latest Stories

IPL 2025: താനൊക്കെ എവിടുത്തെ ഹെഡാടോ, അയ്യേ മോശം മോശം, ഹെഡിനെ ട്രോളി കൊല്‍ക്കത്ത ടീം, ഇത് സ്ഥിരം പരിപാടിയായല്ലോ എന്ന് ആരാധകര്‍

നെതന്യാഹുവിന്റെ സന്ദർശനം; ഐസിസിയിൽ നിന്ന് പിന്മാറാൻ ഹംഗറി

ജബല്‍പൂരില്‍ ക്രൈസ്തവര്‍ക്കു നേരെ ഉണ്ടായ ആക്രമണം അത്യന്തം ഹീനം; അക്രമികള്‍ക്കെതിരെ കൃത്യമായ നിയമനടപടികള്‍ സ്വീകരിക്കണമെന്ന് മുഖ്യമന്ത്രി പിണറായി

LSG VS MI: വീണ്ടും വീണ്ടും വിവാദം, രോഹിതും സഹീറും തമ്മിലുള്ള "നിഗൂഢ" സംസാരം താരത്തിന് പണിയാകുന്നു? വീഡിയോ കാണാം

'ഞാന്‍ ഇതുവരെ കടം വാങ്ങിയിട്ടില്ല, സഹോദരന്റെ ബാധ്യത ഏറ്റെടുക്കാനുമാവില്ല'; കോടതിയിലെത്തി പ്രഭു

'വഖഫ് ബിൽ പാസായത് നിർണായക നിമിഷം'; പാർശ്വവൽക്കരിക്കപ്പെട്ടവർക്ക് ശബ്ദവും അവസരവും നൽകുമെന്ന് മോദി

ഖത്തർഗേറ്റ് അഴിമതി; നെതന്യാഹുവിന്റെ സഹായികളുടെ തടങ്കൽ നീട്ടി ഇസ്രായേൽ കോടതി

INDIAN CRICKET: രഹാനെയുടെ ബാഗ് തട്ടിതെറിപ്പിച്ച് ജയ്‌സ്വാള്‍, കൊമ്പുകോര്‍ക്കല്‍ പതിവ്, മുംബൈ ടീമില്‍ നടന്ന പൊട്ടിത്തെറികള്‍

വീണയുടെ മാസപ്പടി കേസില്‍ മുഖ്യമന്ത്രി രാജിവെക്കണം; ബിജെപി എല്ലാ ജില്ലാ കേന്ദ്രങ്ങളിലും കോലം കത്തിച്ചു പ്രതിഷേധം നടത്തുമെന്ന് രാജീവ് ചന്ദ്രശേഖര്‍

ഇഡി പണി തുടങ്ങി, 'എമ്പുരാന്‍' വെട്ടിയിട്ടും പൂട്ടി; നിര്‍മ്മാതാവിന്റെ ഓഫീസുകളില്‍ റെയ്ഡ്