അമൃത സുരേഷിനൊപ്പമുള്ള തന്റെ പുതിയ ചിത്രം പങ്കുവെച്ച് സംഗീത സംവിധായകന്‍ ഗോപിസുന്ദര്‍. ഇരുവരും പഴനിയില്‍ പോയി മാലയിട്ടു നില്‍ക്കുന്ന ചിത്രമാണ് പങ്കു വെച്ചിട്ടുള്ളത്. പളനി മുരുകന് ഹരോ ഹരോ എന്ന അടികുറിപ്പോടെ പോസ്റ്റ് ചെയ്തിരിക്കുന്ന ചിത്രത്തിന് നിരവധി കമന്റുകളാണ് വരുന്നത്. വിവാഹ ചടങ്ങുകളുടേതെന്ന് തോന്നിക്കുന്ന ചിത്രം ഇതിനോടകം തന്നെ വൈറലായി മാറിക്കഴിഞ്ഞു.
സിന്ദൂരമണിഞ്ഞ് നവ വധുവിനെപ്പോലെയാണ് ചിത്രത്തിൽ അമൃത. ഏറെ നാളായി ഇരുവരും പ്രണയബന്ധത്തിലാണെന്ന് താരങ്ങൾ തന്നെ തുറന്നുസമ്മതിച്ചിരുന്നു. ഇരുവരുടേയും പ്രണയ ബന്ധം സോഷ്യൽ മീഡിയയിലും ഏറെ ചർച്ചാ വിഷയമായിരുന്നു.
അതേസമയം കഴിഞ്ഞ ദിവസം അമൃത സുരേഷും ഗോപി സുന്ദറും ഒരു വീഡിയോ ഇൻസ്റ്റഗ്രാമിൽ പങ്കു വച്ചിരുന്നു. തന്റെ ജീവിതത്തില്‍ പ്രേക്ഷകര്‍ കാണാന്‍ കാത്തിരിക്കുന്ന ചില കാര്യങ്ങള്‍ ഉടനെ ഉണ്ടാവുമെന്നും വീഡിയോയ്ക്കൊപ്പം അമൃത കുറിച്ചിരുന്നു.
പിന്നാലെയാണ് ഇരുവരും ഒന്നിച്ചുള്ള വീഡിയോ പുറത്തു വിട്ടത്. പരസ്പരം ചേര്‍ന്ന് നിന്ന് ചുംബിക്കാന്‍ ഒരുങ്ങുന്ന ഗോപി സുന്ദറും അമൃതയുമാണ് വീഡിയോയിലുള്ളത്. ഇതെന്താണെങ്കിലും വൈകാതെ വരുമെന്ന് പറഞ്ഞാണ് പ്രൊമോ വീഡിയോ അവസാനിക്കുന്നത്.അത് വിവാഹ കാര്യമായിരുന്നോ എന്നാണ് ആരാധകരുടെ ഇപ്പോഴത്തെ സംശയം.
