ദളപതി വിജയ്‌യുടെ അവസാനത്തെ സിനിമ ‘ദളപതി 69’ന്റെ അപ്‌ഡേറ്റ് പുറത്ത്. എച്ച് വിനോദ് സംവിധാനം ചെയ്യുന്ന ചിത്രം 2025 ഒക്ടോബറിൽ പുറത്തിറങ്ങും. കത്തി (2014), മാസ്റ്റർ (2021), ബീസ്റ്റ് (2022), ലിയോ (2023) തുടങ്ങിയ വിജയ് ചിത്രങ്ങൾക്ക് സംഗീതം നൽകിയ അനിരുദ്ധ് രവിചന്ദർ അഞ്ചാം തവണയും ദളപതി 69-ൽ വീണ്ടും ഒന്നിക്കുന്നു എന്നതാണ് ചിത്രത്തിന്റെ മറ്റൊരു സവിശേഷത.
സെപ്റ്റംബര്‍ 14ന്, ചിത്രത്തിന്റെ അപ്‌ഡേറ്റ് പുറത്തുവിടുമെന്നാണ് അറിയിച്ചിരുന്നത്. ദളപതി ആരാധകരുടെ ഒരു വലിയ വീഡിയോ പങ്കുവച്ചു കൊണ്ടാണ് ഈ അപ്‌ഡേറ്റ് പുറത്തു വിട്ടത്. തമിഴകത്തെയും കേരളത്തിലെയും അടക്കമുള്ള ആരാധകര്‍ ഈ വീഡിയോയില്‍ സംസാരിക്കുന്നുണ്ട്. അതേസമയം, രാഷ്ട്രീയ പ്രവേശനം പ്രഖ്യാപിച്ച വിജയ്‌യുടെ അവസാന ചിത്രമാണ് ദളപതി 69.
We are beyond proud & excited to announce that our first Tamil film is #Thalapathy69, directed by the visionary #HVinoth, with music by the sensational Rockstar @anirudhofficial 🔥
Super happy to collaborate with the one and only #Thalapathy @actorvijay ♥️
The torch bearer of… pic.twitter.com/Q2lEq7Lhfa
— KVN Productions (@KvnProductions) September 14, 2024
വിജയ് നായകനാകുന്ന ചിത്രത്തിൽ പൂജ ഹെഗ്‌ഡെ ആണ് നായിക. ബോബി ഡിയോൾ വില്ലനായി എത്തും. ഛായാഗ്രഹണം: സത്യൻ സൂര്യൻ, എഡിറ്റ്: പ്രദീപ് ഇ രാഗവ് ആക്ഷൻ/സ്റ്റണ്ട്: അൻൽ അരശു എന്നിങ്ങനെയാണ് കാസ്റ്റ് & ക്രൂ വിവരങ്ങൾ.
മുഴുവൻ സമയ രാഷ്ട്രീയത്തിൽ പ്രവേശിക്കുന്നതിന് മുമ്പുള്ള വിജയ്‌യുടെ അവസാന ചിത്രമാണിത്. എച്ച് വിനോദ് സംവിധാനം ചെയ്യുന്ന പ്രൊജക്റ്റ് ഒരു രാഷ്ട്രീയ ചിത്രമായിരിക്കുമെന്നാണ് ഫസ്റ്റ് ലുക്ക് സൂചിപ്പിക്കുന്നത്. ചിത്രത്തിൻ്റെ കൂടുതൽ വിവരങ്ങൾ ഏറെ പ്രതീക്ഷയോടെയാണ് ആരാധകർ കാത്തിരിക്കുന്നത്.
