മലയാളത്തിലെ യുവതാരങ്ങളായ ഉണ്ണി മുകുന്ദനെയും ടൊവിനോ തോമസിനെയും വെല്ലുവിളിച്ച് പുഷ്അപ്പ് ചാലഞ്ചുമായി നടന്‍ അബു സലിം നേരത്തെ രംഗത്തെത്തിയിരുന്നു. അബുക്കാസ് ചലഞ്ച് എന്ന ഹാഷ്ടാഗോടെ വീഡിയോയും പോസ്റ്റ് ചെയ്തിരുന്നു. നടന്‍ ടൊവിനോ ഇതേറ്റെടുത്ത് രംഗത്തെത്തിയിരുന്നു.
എന്നാല്‍ അബൂക്കയെ ഇനി താനൊന്ന് ചലഞ്ച് ചെയ്താലോ എന്നാണ് ഗിന്നസ് പക്രു പറയുന്നത്. “”ഇത് ഇങ്ങനെ പൊക്കാന്‍ പറ്റുമോ? അബൂക്കയെ ചലഞ്ച് ചെയ്താലോ?”” എന്ന ക്യാപ്ഷനൊപ്പം പക്രു പങ്കുവച്ച് ചിത്രം വൈറലാവുകയാണ്.
ഗ്യാസ് കുറ്റി വിരല്‍ കൊണ്ട് പൊക്കുന്നതായാണ് ചിത്രം. പുള്ളിയെ കൊണ്ട് പറ്റുമെന്ന് തോന്നുന്നില്ല, ഇതൊക്കെ ചേട്ടനെ പറ്റൂ, മിസ്റ്റര്‍ യൂണിവേഴ്‌സ് എന്നിങ്ങനെ രസകരമായ കമന്റുകളാണ് ചിത്രത്തിന് ലഭിക്കുന്നത്.
