അടുത്തിടെയാണ് നടി ഹന്‍സിക മോട്വാനിയുടെ വിവാഹ നിശ്ചയം കഴിഞ്ഞത്. ഈ മാസമാണ് ഹന്‍സിക വിവാഹിതയാവാന്‍ പോവുന്നത്. ബിസിനസ്‌കാരനായ സൊഹൈല്‍ കത്യൂര്യ ആണ് ഹന്‍സികയുടെ ഭര്‍ത്താവ്. ഇരുവരും നേരത്തെ ഒരുമിച്ച് ബിസിനസ് ചെയ്തിട്ടുമുണ്ട്. ഇതില്‍ നിന്നും ഉടലെടുത്ത സൗഹൃദമാണ് വിവാഹത്തിലേക്ക് നയിച്ചത്. നിലവില്‍ നടിയുടെ വിവാഹത്തിന്റെ ഒരുക്കങ്ങള്‍ ഗംഭീരമായി തന്നെ പുരോഗമിക്കുകയാണ്.
ഇപ്പോഴിത വിവാഹ ദിവസം ഹന്‍സികയെടുത്ത ഒരു തീരുമാനമാണ് കയ്യടി നേടുന്നത്. തന്റെ വിവാഹം കൂടാന്‍ ഹന്‍സിക ക്ഷണിച്ചിരിക്കുന്നത് ധനികരായ സിനിമാ താരങ്ങളെ അല്ല. പാവപ്പെട്ട വീട്ടിലെ കുട്ടികളെ ആണ്.
ഹന്‍സികയുടെ വിവാഹത്തില്‍ പങ്കെടുക്കാന്‍ ഉടുപ്പുകളും മറ്റും ലഭിച്ച കുട്ടികള്‍ സന്തോഷം പങ്കിടുന്ന വീഡിയോയും പുറത്ത് വന്നിട്ടുണ്ട്. നിരവധി എന്‍ജിഒകളുമായി ചേര്‍ന്ന് ഹന്‍സിക പ്രവര്‍ത്തിക്കുന്നുണ്ട്. ഇതിന്റെ ഭാഗമായാണ് കുട്ടികള്‍ക്ക് വിവാഹ ദിവസമുള്ള ക്ഷണവും.
ഹന്‍സികയുടെ തീരുമാനത്തെ അഭിനന്ദിച്ച് നിരവധി പേരാണ് രംഗത്തെത്തുന്നത്. സിനിമകളില്‍ തിരക്ക് പിടിച്ച് അഭിനയിച്ചിരുന്ന ഹന്‍സിക അടുത്തിടെ ആയി അഭിനയത്തില്‍ നിന്നും ഇടവേള എടുത്തിരുന്നു. നല്ല സിനിമകള്‍ക്കായുള്ള കാത്തിരിപ്പിലായിരുന്നു നടി.