തമാശവേഷങ്ങളിലൂടെ പ്രേക്ഷകരുടെ മനസ്സ് കീഴടക്കിയ ഹരീഷ് കണാരന്‍ നായകനാകുന്നു. ‘ഉല്ലാസപൂത്തിരികള്‍’ എന്ന് പേരിട്ടിരിക്കുന്ന ചിത്രത്തിന്റെ ടൈറ്റില്‍ സൂപ്പര്‍ താരങ്ങളായ മമ്മൂട്ടിയും മോഹന്‍ലാലും അവരുടെ ഫേസ്ബുക്ക് പേജിലൂടെ പ്രഖ്യാപിച്ചു. വലിയ താരനിരയാണ് ഈ ചിത്രത്തിനായി ഒ ഒന്നിക്കുന്നത്. ഒരു മുഴുനീള കോമഡി എന്റര്‍ടയിനര്‍ ആയിരിക്കും ചിത്രം. നവാഗതനായ ബിജോയ് ജോസഫ് ആണ് സിനിമ കഥയെഴുതി സംവിധാനം ചെയ്യുന്നത്.
സിനിമ പ്രേക്ഷകര്‍ക്ക് മുമ്പിലേക്ക് എത്തിക്കുന്നത് ജമിനി സ്റ്റുഡിയോസ്, റിയോണ റോസ് പ്രൊഡക്ഷന്‍സ് എന്നീ ബാനറുകളാണ്. ജോണ്‍ കുടിയാന്‍മല, ഹരീഷ് കണാരന്‍ എന്നിവരാണ് നിര്‍മ്മാതാക്കള്‍. പോള്‍ വര്‍ഗീസ് ആണ് തിരക്കഥ. അബി സാല്‍വിന്‍ തോമസ് ആണ് ഗാനങ്ങള്‍ ഒരുക്കുന്നത്. ചായാഗ്രഹണം – മനോജ് പിള്ള, എഡിറ്റിങ്ങ് – നൗഫല്‍ അബ്ദുള്ള.
ചിത്രം പ്രദര്‍ശനത്തിനെത്തിക്കുന്നത് ജമിനി സ്റ്റുഡിയോസ് ആണ്. ജോജു ജോര്‍ജ്, സൗബിന്‍ ഷാഹിര്‍, അജു വര്‍ഗീസ്, സലിം കുമാര്‍, ജാഫര്‍ ഇടുക്കി, ധര്‍മജന്‍ ബോള്‍ഗാട്ടി, നിര്‍മല്‍ പാലാഴി, ഗോപിക എന്നിവരാണ് പ്രധാന താരങ്ങള്‍. എക്‌സിക്യൂട്ടീവ് പ്രൊഡ്യൂസര്‍ – ബിജു തോരണതേല്‍, കോ പ്രൊഡ്യൂസര്‍ – ഷീന ജോണ്‍ & സന്ധ്യ ഹരീഷ്, ആര്‍ട്ട് ഡയറക്ഷന്‍ – ത്യാഗു, കോസ്റ്റ്യൂം – ലിജി പ്രേമന്‍, മേക്ക് അപ് – ഹസന്‍ വണ്ടൂര്‍, ഗാന രചന – ബി കെ ഹരിനാരായണ്‍