മുതിര്‍ന്ന നടന്‍ ചങ്കി പാണ്ഡെയുടെയും സെലിബ്രിറ്റി കോസ്റ്റ്യൂം ഡിസൈനറായ ഭാവന പാണ്ഡെയുടെയും മകളാണ് അനന്യ പാണ്ഡെ. പിതാവിന്റെ പാത പിന്തുടര്‍ന്ന്, 2019 മെയ് 10-ന് സ്റ്റുഡന്റ് ഓഫ് ദി ഇയര്‍ 2 എന്ന ചിത്രത്തിലൂടെയാണ് നടി അഭിനയരംഗത്തേക്ക് വരുന്നത്. ആദ്യ ചിത്രത്തിലെ അഭിനയത്തിന് മികച്ച പുതുമുഖ നടിക്കുള്ള ഫിലിംഫെയര്‍ അവാര്‍ഡും ലഭിച്ചു. പിന്നെ താരപുത്രിയ്ക്ക് തിരിഞ്ഞു നോക്കേണ്ടി വന്നിട്ടില്ല. ഒന്നിന് പുറകെ ഒന്നായി ഹിറ്റ് ചിത്രങ്ങളില്‍ നിറഞ്ഞ് നില്‍ക്കുകയാണ്.
ഇപ്പോളിതാ ബ്രേക്കപ്പ് മറികടക്കാൻ തേടിയ മാർഗങ്ങളേക്കുറിച്ച് തുറന്ന് പറയുകയാണ് അനന്യ പാണ്ഡെ. പുറത്തറിങ്ങാനിരിക്കുന്ന സി.ടി.ആർ.എൽ. എന്ന ചിത്രത്തിന്റെ പ്രമോഷനിടെയായിരുന്നു അനന്യയുടെ വെളിപ്പെടുത്തൽ. മുൻകാമുകനുമായി വേർപിരിഞ്ഞശേഷം അതിൻ്റെ വേദനയും നിരാശയും മറികടക്കാൻ താൻ അയാളുടെ ഫോട്ടോ കത്തിച്ചുകളഞ്ഞിരുന്നുവെന്നാണ് അനന്യ പാണ്ഡെ പറയുന്നത്.
ഇത് ചെയ്യുന്ന ഒരേ ഒരാൾ ഞാൻ മാത്രമല്ലെന്നും ഒത്തിരിപ്പേരുണ്ടെന്നും അനന്യ പാണ്ഡെ പറയുന്നു. താൻ ഇപ്പോൾ ചെയ്യാറില്ലെങ്കിലും അങ്ങനെയുണ്ടായിരുന്നുവെന്ന് അനന്യ പാണ്ഡെയും പറഞ്ഞു. നിരാശ മറികടക്കാൻ നല്ലൊരു വഴിയാണതെന്നും അനന്യ പാണ്ഡെ പറഞ്ഞു. മുൻകാമുകനെ ഓർമിപ്പിക്കുന്ന സാധനങ്ങൾ എക്സ് ബോക്സ് എന്ന പേരിട്ട പെട്ടിയിലിട്ട് അതൊന്നിച്ച് കത്തിച്ചുകളഞ്ഞുവെന്നും അനന്യ പറഞ്ഞു.
സി.ടി.ആർ.എല്ലിൻ്റെ സംവിധായകൻ വിക്രമാദിത്യ മോട്‌വാനെയോട് ബ്രേക്കപ്പുകൾ എങ്ങനെ മറികടക്കുമെന്നായിരുന്നു ചോദ്യം. എന്തുതന്നെയായാലും അത് അഭിമുഖീകരിച്ചേ തീരൂവെന്ന് വിക്രമാദിത്യ മറുപടി നൽകി. ആരോടെങ്കിലും സംസാരിച്ചോ ഫോട്ടോ കത്തിച്ചോ ആ വിഷമം മറികടക്കണമെന്ന് വിക്രമാദിത്യ പറഞ്ഞു. പിന്നീട് അദ്ദേഹം അനന്യ പാണ്ഡയെയോട് അഭിപ്രായം തേടുകയായിരുന്നു. തുടർന്നായിരുന്നു വെളിപ്പെടുത്തൽ.