29-ാമത് കേരള രാജ്യാന്തര ചലച്ചിത്രമേള ഡിസംബര്‍ 13 മുതല്‍ 20 വരെ തിരുവനന്തപുരത്ത് നടക്കും. ഇന്ത്യന്‍ സിനിമ ഇന്ന് വിഭാഗത്തില്‍ ഏഴ് ചിത്രങ്ങളും അന്താരാഷ്ട്ര മത്സര വിഭാഗത്തില്‍ രണ്ട് ചിത്രങ്ങളുമാണ് ഐഎഫ്എഫ്കെയിലേക്ക് തിരഞ്ഞെടുക്കപ്പെട്ടത്.
ആര്യന്‍ ചന്ദ്ര പ്രകാശിന്റെ ആജൂര്‍ (ബാജിക), വിപിന്‍ രാധാകൃഷ്ണന്റെ അങ്കമ്മാള്‍ (തമിഴ്), ജയ്ചെങ് സായ് ധോതിയയുടെ ബാഗ്ജാന്‍ (അസമീസ്), ആരണ്യ സഹായിയുടെ ഹ്യൂമന്‍സ് ഇന്‍ ദ ലൂപ് (ഹിന്ദി), അഭിലാഷ് ശര്‍മ ഒരുക്കിയ ഇന്‍ ദ നെയിം ഓഫ് ഫയര്‍ (മഗഹി), സുഭദ്ര മഹാജന്‍ ഒരുക്കിയ സെക്കന്‍ഡ് ചാന്‍സ് (ഹിന്ദി), ഭരത് സിങ് പരിഹാറിന്റെ ഭേദിയ ദസാന്‍ (ഹിന്ദി) എന്നിവയാണ് ‘ഇന്ത്യന്‍ സിനിമ ഇന്ന്’ വിഭാഗത്തില്‍ ഇടം നേടിയത്.
അഭിജിത്ത് മജുംദാര്‍ ഒരുക്കിയ ബോഡി (ഹിന്ദി), ജയന്‍ ചെറിയാന്‍ ഒരുക്കിയ റിഥം ഓഫ് ദമാം (കൊങ്കിണി, കന്നട) ചിത്രങ്ങളാണ് അന്തരാഷ്ട്ര മത്സര വിഭാഗത്തിലുള്ളത്. മേളയുടെ ലോഗോയും ബ്രാന്‍ഡ് ഐഡന്റിറ്റി കണ്‍സെപ്റ്റും തയാറാക്കിയത് കണ്ണൂര്‍ സ്വദേശിയായ വിഷ്വല്‍ ഡിസൈനര്‍ അശ്വന്ത് ആണ്.