സംവിധായകന്‍ സന്തോഷ് ശിവന്‍ ഒരുക്കുന്ന “ജാക്ക് ആന്‍ഡ് ജില്‍” ചിത്രത്തിന്റെ തമിഴ് വേര്‍ഷനും ഒരുങ്ങുന്നു. “സെന്റിമീറ്റര്‍” എന്നാണ് തമിഴില്‍ ചിത്രത്തിന്റെ പേര്. സെന്റിമീറ്ററില്‍ തമിഴ് ഹാസ്യതാരം യോഗി ബാബുവും അഭിനയിക്കുമെന്നും സന്തോഷ് ശിവന്‍ വ്യക്തമാക്കി.
രണ്ട് ഭാഷകളിലും കഥ ഒന്നു തന്നെ ആയിരിക്കുമെങ്കിലും അനുഭവം വ്യത്യസ്തമായിരിക്കുമെന്നാണ് സന്തോഷ് ശിവന്‍ ഉറപ്പു നല്‍കുന്നത്. മഞ്ജു വാര്യര്‍, സൗബിന്‍ ഷാഹിര്‍, കാളിദാസ് ജയറാം എന്നിവരാണ് ചിത്രത്തില്‍ കേന്ദ്ര കഥാപാത്രങ്ങളായെത്തുന്നത്.
നടന്‍ പൃഥ്വിരാജും ചിത്രത്തില്‍ പ്രധാന വേഷത്തിലെത്തുമെന്നും സംവിധായകന്‍ വ്യക്തമാക്കിയിരുന്നു. നേരത്തെ സന്തോഷ് ശിവന്‍ സംവിധാനം ചെയ്ത “ഉറുമി”, “അനന്തഭദ്രം” എന്നീ ചിത്രങ്ങളില്‍ നായകനായി പൃഥ്വിരാജ് അഭിനയിച്ചിരുന്നു.
