ലിജോ ജോസ് പെല്ലിശ്ശേരി ചിത്രം “ജല്ലിക്കെട്ട്” അന്താരാഷ്ട്ര ചലച്ചിത്ര മേളയില്‍ പ്രദര്‍ശിപ്പിക്കും. ടി അരുണ്‍ കുമാര്‍ രചിച്ച് നോവിന്‍ വാസുദേവ് സംവിധാനം ചെയ്ത “ഇരവിലും പകലിലും ഒടിയന്‍” എന്ന ഡോക്യുമന്ററി ചിത്രവും ഇന്ത്യന്‍ പനോരമ വിഭാഗത്തില്‍ ഇന്ന് പ്രദര്‍ശിപ്പിക്കും.
റെട്രോസ്‌പെക്ടീവ് വിഭാഗത്തില്‍ ജോണ്‍ എബ്രഹാം സംവിധാനംചെയ്ത “അഗ്രഹാരത്തിലെ കഴുതൈ” എന്ന ചിത്രവും ഇന്നു പ്രദര്‍ശനത്തിനെത്തും. ടൊറന്റോ രാജ്യാന്തര ഫിലിം ഫെസ്റ്റിവലില്‍ ഗംഭീര അഭിപ്രായം നേടിയ ജല്ലിക്കട്ട് ലോകോത്തര വെബ്സൈറ്റായ റോട്ടന്‍ടൊമാറ്റോയിലും ഇടംനേടിയിരുന്നു. വിരണ്ടോടുന്ന പോത്ത് ഗ്രാമത്തെ പിടിച്ചുലയ്ക്കുന്നതും അവിടെയുണ്ടാകുന്ന പ്രശ്നങ്ങളുമാണ് ചിത്രത്തിന്റെ പ്രമേയം.
ഒടിയന്‍ സങ്കല്പത്തിന്റെ നിഗൂഢതകളും കഥകളും പങ്കുവെച്ചാണ് ഇരവിലും പകലിലും ഒടിയന്‍ എത്തുന്നത്. അനന്തഗോപാല്‍ ആണ് ചിത്രത്തിന്റെ ഛായഗ്രഹണം. സുജിര്‍ബാബു എഡിറ്റിംഗ്. ചാരു ഹരിഹരന്‍ സംഗീതം. സൗണ്ട് ഡിസൈന്‍.
