കൊറോണ വൈറസ് പടര്‍ന്നു പിടിക്കുന്ന സാഹചര്യത്തില്‍ ജനതാ കര്‍ഫ്യൂ ആചരിക്കണമെന്ന പധാനമന്ത്രി നരേന്ദ്ര മോദിയുടെ ആഹ്വാനത്തെ പിന്തുണച്ച് സിനിമാ താരങ്ങളടക്കമുള്ള പ്രമുഖര്‍ രംഗത്ത്. നടന്മാരായ അമിതാഭ് ബച്ചന്‍, കമല്‍ ഹാസന്‍, ഷാരൂഖ് ഖാന്‍, ഹൃത്വിക് റോഷന്‍, അക്ഷയ് കുമാര്‍, നടി അനുഷ്‌ക ശര്‍മ തുടങ്ങിയവര്‍ കര്‍ഫ്യൂവിന് പിന്തുണ പ്രഖ്യാപിച്ച് രംഗത്ത് വന്നു.
വൈറസ് പടര്‍ന്ന് പിടിക്കുന്നത് തടയാന്‍ സാമൂഹികമായ ഇടപെടലുകള്‍ കുറയ്ക്കാനും പിന്നീട് അതൊരു ശീലമായി മുന്നോട്ട് കൊണ്ടുപോകാനും കര്‍ഫ്യൂകൊണ്ട് ഉപകാരപ്പെടുമെന്ന് ഷാരൂഖ് ഖാന്‍ കുറിച്ചു.
പ്രധാനമന്ത്രി പ്രഖ്യാപിച്ച ജനതാ കര്‍ഫ്യൂവിന് ഐക്യദാര്‍ഢ്യം പ്രഖ്യാപിക്കുന്നു. ഇതൊരു അസാധാരണമായ സാഹചര്യമാണ്. അതുകൊണ്ടു തന്നെ അസാധാരണമായ മുന്‍കരുതലുകള്‍ സ്വകരിക്കണമെന്നും കമല്‍ കുറിച്ചു. പ്രധാനമന്ത്രിയുടേത് മികച്ച തീരുമാനമെന്നാണ് അക്ഷയ് കുമാര്‍ കുറിച്ചത്.