കഴിഞ്ഞ ദിവസമായിരുന്നു രാം ചരണ്‍ തന്റെ ജന്മദിനം ആഘോഷിച്ചത്. തന്റെ 38മത്തെ ജന്മദിനത്തോട് അനുബന്ധിച്ച് ഹൈദരാബാദില്‍ വലിയൊരു പാര്‍ട്ടി രാം ചരണ്‍ സംഘടിപ്പിച്ചിരുന്നു. തെലുങ്ക് സിനിമയിലെ ഒരുവിധം എല്ലാ താരങ്ങള്‍ പാര്‍ട്ടിയില്‍ എത്തിയിരുന്നു.
ആര്‍ആര്‍ആര്‍ സിനിമയുടെ സംവിധായകന്‍ എസ്.എസ് രാജമൗലി, സംഗീത സംവിധായകന്‍ കീരവാണി എന്നിവരെ ചടങ്ങില്‍ വച്ച് രാം ചരണിന്റെ പിതാവും തെലുങ്ക് മെഗാസ്റ്റാറുമായ ചിരഞ്ജീവി ആദരിക്കുകയും ചെയ്തിരുന്നു. എന്നാല്‍ രാം ചരണിന്റെ അടുത്ത സുഹൃത്തും ആര്‍ആര്‍ആറിലെ സഹതാരവുമായ ജൂനിയര്‍ എന്‍ടിആര്‍ പാര്‍ട്ടിയില്‍ എത്തിയിരുന്നില്ല.
ജൂനിയര്‍ എന്‍ടിആറിന്റെ അസാന്നിധ്യം ഏറെ ചര്‍ച്ചയാവുകയും ചെയ്തിരുന്നു. ക്ഷണം ഉണ്ടായിട്ടും താരം പാര്‍ട്ടിക്ക് എത്താത് എന്തായിരിക്കാം എന്ന ചര്‍ച്ചയാണ് തെലുങ്ക് സിനിമ ലോകത്ത് ഉയര്‍ന്നത്. രാംചരണിന്റെ ജന്മദിന തലേന്നാണ് ജൂനിയര്‍ എന്‍ടിആറിന്റെ ഭാര്യ ലക്ഷ്മി പ്രണതിയുടെ ജന്മദിനം.
അതിനാല്‍ മാര്‍ച്ച് 26ന് ജൂനിയര്‍ എന്‍ടിആര്‍ അടുത്ത സുഹൃത്തുക്കള്‍ക്കായി ഒരു പാര്‍ട്ടി നടത്തിയിരുന്നു. അടുത്ത സുഹൃത്തുക്കളാണ് പ്രണതിയുടെ ആഘോഷത്തില്‍ പങ്കെടുത്തത്. ഈ പാര്‍ട്ടി ഉണ്ടായതു കൊണ്ടാണ് ജൂനിയര്‍ എന്‍ടിആര്‍ രാംചരണിന്റെ പാര്‍ട്ടിക്ക് എത്താത്തിന്റെ കാരണം എന്നാണ് റിപ്പോര്‍ട്ട്.
വിജയ് ദേവരകൊണ്ട, നാഗ ചൈതന്യ, നാഗാര്‍ജുന, റാണ ദഗുബതി, കാജല്‍ അഗര്‍വാള്‍, വെങ്കിടേഷ് ദഗുബതി തുടങ്ങിയ സൂപ്പര്‍ താരങ്ങള്‍ എല്ലാം രാം ചരണിന് ആശംസകള്‍ നേര്‍ന്നു കൊണ്ട് പാര്‍ട്ടിയില്‍ എത്തിയിരുന്നു. പാര്‍ട്ടിയുടെ ചിത്രങ്ങളും വൈറലായിരുന്നു.