‘വെര്‍ ഈസ് പുഷ്പ?’ എന്ന് ചോദിച്ചു കൊണ്ടുള്ള ടീസര്‍ എത്തിയപ്പോള്‍ ട്രോളുകളും വിമര്‍ശനങ്ങളുമായിരുന്നു ചിത്രത്തിന് ലഭിച്ചത്. ‘കെജിഎഫ്’ ഗംഭീര ഹിറ്റ് ആയി മാറിപ്പോള്‍ സംവിധായകന്‍ സുകുമാര്‍ ചിത്രത്തിന്റെ തിരക്കഥ മുഴുവന്‍ മാറ്റി എഴുതി എന്ന പഴി വരെ സിനിമയുടെ അണിയറ പ്രവര്‍ത്തകര്‍ കേള്‍ക്കേണ്ടി വന്നിരുന്നു.
ഇതോടെ സിനിമ ഗംഭീരമാക്കാനുള്ള പ്രയത്‌നത്തിലാണ് അണിയറ പ്രവര്‍ത്തകര്‍. ചിത്രത്തില്‍ ജൂനിയര്‍ എന്‍ടിആറും വേഷമിടുന്നു എന്ന പുതിയ റിപ്പോര്‍ട്ടുകളാണ് ഇപ്പോള്‍ സോഷ്യല്‍ മീഡിയയില്‍ എത്തിയിരിക്കുന്നത്. സുകുമാറിന്റെ സെറ്റില്‍ ജൂനിയര്‍ എന്‍ടിആര്‍ എത്തിയതാണ് ഈ റിപ്പോര്‍ട്ടുകള്‍ പിന്നില്‍.
എന്നാല്‍ ഹൈദരാബാദിലെ സെറ്റില്‍ അല്ലു അര്‍ജുനെ കാണാനായാണ് ജൂനിയര്‍ എന്‍ടിആര്‍ പുഷ്പയുടെ സെറ്റില്‍ എത്തിയത്. ചിത്രത്തിന്റെ സെറ്റിലേക്ക് എന്‍ടിആര്‍ പോകുന്ന ചിത്രമാണ് സോഷ്യല്‍ മീഡിയയില്‍ ലീക്കായത്. എന്നാല്‍ അല്ലുവിനെ കാണാനായി മാത്രമാണോ താരം എത്തിയത് എന്ന ചോദ്യവും സോഷ്യല്‍ മീഡിയയില്‍ ഉയരുന്നുണ്ട്.
పులి @tarak9999 🐅 ❤️🔥#ManOfMasessNTR #JrNTR pic.twitter.com/bG9hUWpqut
— tarak.fan.girls (@TarakfanGirls) April 27, 2023
Read more
അതേസമയം, ആക്ഷന്‍ സീക്വന്‍സുകളാണ് ഹൈദരാബാദില്‍ ഇപ്പോള്‍ ചിത്രീകരിച്ചു കൊണ്ടിരിക്കുന്നത്. നവംബറിലാണ് ചിത്രം തിയേറ്ററുകളില്‍ എത്തുക. പുഷ്പയും ഫഹദ് ഫാസില്‍ അവതരിപ്പിക്കുന്ന ബന്‍വര്‍ സിംഗ് ഷെഖാവത്തും തമ്മിലുള്ള പോരാട്ടമായിരിക്കും പുഷ്പ 2വിന്റെ ഹൈലൈറ്റ്.
