Connect with us
https://southlive.in/wp-content/uploads/2018/08/728-x-90-pix.jpg

FILM NEWS

‘ജൂഡ്’ നിവിന്‍ ഇതുവരെ ചെയ്ത കഥാപാത്രങ്ങളില്‍ ഏറ്റവും മികച്ചതെന്ന് സണ്ണി വെയ്ന്‍

, 5:12 pm

നിവിന്‍ പോളി ചിത്രം ഹേയ് ജൂഡ് തീയേറ്ററുകളില്‍ മികച്ച പ്രതികരണം നേടി മുന്നേറുകയാണ്. പൃഥ്വിരാജുള്‍പ്പെടെ സിനിമാരംഗത്തെ ധാരാളം പേര്‍ ചിത്രത്തിലെ നിവിന്റെ പ്രകടനത്തെ പുകഴ്ത്തി രംഗത്തെത്തി. ഇപ്പോഴിതാ നടന്‍ സണ്ണിവെയ്‌നും നിവിനെ പ്രശംസിച്ച് രംഗത്തെത്തിയിരിക്കുന്നു. ഹേയ് ജൂഡ് ഇതുവരെയുണ്ടായ സിനിമാ അനുഭവങ്ങളില്‍ നിന്ന് തികച്ചും വ്യത്യസ്തമാണെന്നും നിവിന്‍ ഇതുവരെ ചെയ്തിട്ടുള്ള കഥാപാത്രങ്ങളില്‍ ഏറ്റവും മികച്ചതാണ് ജൂഡെന്നും സണ്ണി വെയ്ന്‍ തന്റെ ഫെയ്‌സ്ബുക്ക് പോസ്റ്റില്‍ വ്യക്തമാക്കി.

Hey Jude !!!! It was completly a different cinematic experience and a superb work of art !!Movie had many fun filled…

Posted by Sunny Wayne on Monday, 12 February 2018

നിവിന്റെ മികച്ച കഥാപാത്രങ്ങളിലൊന്നാണ് ജൂഡ് എന്ന് പൃഥ്വിരാജും അഭിപ്രായപ്പെട്ടിരുന്നു. പൃഥ്വിയെ കൂടാതെ വിനീത് ശ്രീനിവാസന്‍, അരുണ്‍ ഗോപി , ഷാനില്‍ മുഹമ്മദ് എന്നിവരും ചിത്രം കണ്ട് അഭിനന്ദനങ്ങളറിയിച്ചിരുന്നു. ശ്യാമപ്രസാദ് സംവിധാനം ചെയ്ത ഈ ചിത്രത്തിന് തെന്നിന്ത്യന്‍ താരസുന്ദരി തൃഷയുടെ അരങ്ങേറ്റ സിനിമ എന്നൊരു സവിശേഷത കൂടിയുണ്ട്.

ചിത്രത്തില്‍ ക്രിസ്റ്റല്‍ എന്ന കഥാപാത്രമായാണ് തൃഷ എത്തുന്നത്. അമ്പലക്കര ഗ്ലോബല്‍ ഫിലിംസിന്റെ ബാനറില്‍ അനില്‍ കുമാര്‍ നിര്‍മ്മിച്ച ഈ ചിത്രത്തില്‍ സിദ്ദിഖ്, വിജയ് മേനോന്‍, നീന കുറുപ്പ് എന്നിവരും ചിത്രത്തില്‍ പ്രധാനവേഷത്തിലെത്തുന്നു.

Advertisement