സൂര്യ- മോഹന്‍ലാല്‍ ആരാധകര്‍ ഒരു പോലെ കാത്തിരിക്കുന്ന ചിത്രമാണ് കാപ്പാന്‍. ചിത്രത്തിലെ “സിരിക്കി…” എന്നു തുടങ്ങുന്ന ഗാനത്തിന്റെ പ്രൊമോ വീഡിയോ റിലീസ് ചെയ്തു. ഇന്നലെ പുറത്തിറങ്ങിയ വീഡിയോയ്ക്ക് ഗംഭീര വരവേല്‍പ്പാണ് ലഭിച്ചിരിക്കുന്നത്. പുറത്തിറങ്ങി മണിക്കൂറുകള്‍ മാത്രം പിന്നിടുമ്പോള്‍ ഗാനത്തിന് ഏഴ് ലക്ഷത്തിനടുത്ത് കാഴ്ച്ചക്കാരായിട്ടുണ്ട്. യൂട്യൂബ് ട്രെന്‍ഡിഗിലും കുതിപ്പ് തുടരുന്ന ഗാനം നിലവില്‍ ഏഴാമതാണ്.
സെന്തില്‍ ഗണേശും രമണി അമ്മാളും ചേര്‍ന്ന് ആലപിച്ചിരിക്കുന്ന പാട്ടിന്റെ വരികള്‍ എസ് ജ്ഞാനകരവേലിന്റേതാണ്. ഹാരിസ് ജയരാജിന്റേതാണ് സംഗീതം. കെ.വി ആനന്ദാണ് ചിത്രം സംവിധാനം ചെയ്യുന്നത്. മോഹന്‍ലാലിനും സൂര്യയ്ക്കും പുറമെ ആര്യയും ചിത്രത്തില്‍ ഒരു മുഖ്യ വേഷത്തില്‍ എത്തുന്നുണ്ട്. ചിത്രത്തില്‍ മോഹന്‍ലാല്‍ പ്രധാനമന്ത്രിയുടെ വേഷത്തിലാണ് എത്തുന്നത്.
സയേഷയാണ് ചിത്രത്തില്‍ നായിക. കാര്‍ത്തിയുടെ ഏറ്റവും പുതിയ ചിത്രമായ “കടൈക്കുട്ടി സിങ്ക”ത്തിലെ നായികാ വേഷത്തിന് ശേഷമാണ് സയേഷാ സൂര്യ ചിത്രത്തിലെ നായികാ വേഷമണിയുന്നത്. ബോമാന്‍ ഇറാനി, സമുദ്രക്കനി, പ്രേം, ശങ്കര്‍ കൃഷ്ണമൂര്‍ത്തി എന്നിവരാണ് മറ്റ് താരങ്ങള്‍. സെപ്റ്റംബര്‍ 20ന്് ചിത്രം റിലീസിനെത്തും.