സോഷ്യല്‍ മീഡിയയില്‍ വൈറലായി “കപ്പേള”യിലെ “കടുകുമണിപ്പാട്ട്”. വിഷ്ണു ശോഭനയുടെ വരികള്‍ക്ക് സുഷിന്‍ ശ്യാമാണ് ഈണമിട്ട് സിതാര കൃഷ്ണകുമാര്‍ ആലപിച്ച ഗാനത്തിന്റെ ലിറിക്കല്‍ വീഡിയോയാണ് പുറത്തെത്തിയത്. “കടുകുമണിക്കൊരു കണ്ണുണ്ട്”” എന്ന് തുടങ്ങുന്ന ഗാനത്തിന്റെ ചലഞ്ചുമായി എത്തിയിരിക്കുകയാണ് ഗായിക സിതാരയും സംഘവും.
നിങ്ങള്‍ അവതരിപ്പിച്ച ഈ ഗാനത്തിന്റെ പതിപ്പ് “നമ്മുടെ കടുകുമണിപ്പാട്ട്” എന്ന ഹാഷ്ടാഗോടെ ഫെയ്‌സ്ബുക്കില്‍ പോസ്റ്റ് ചെയ്യാം എന്ന ഫെയ്‌സ്ബുക്ക് പോസ്റ്റ് ആണ് സിതാര പങ്കുവച്ചിരിക്കുന്നത്.
റോഷന്‍ മാത്യു, അന്ന ബെന്‍, ശ്രീനാഥ് ഭാസി എന്നിവരെ കേന്ദ്ര കഥാപാത്രങ്ങളാക്കി ദേശീയ പുരസ്‌കാര ജേതാവും നടനുമായ മുഹമ്മദ് മുസ്തഫ ഒരുക്കുന്ന ചിത്രമാണ് കപ്പേള. കഥാസ് അണ്‍ടോള്‍ഡിന്റെ ബാനറില്‍ വിഷ്ണു വേണുവാണ് നിര്‍മ്മാണം. മാര്‍ച്ച് 6ന് ചിത്രം തിയേറ്ററുകളിലെത്തും.