നെറ്റ്ഫ്‌ളിക്‌സിന്റെ തമിഴ് ആന്തോളജി ചിത്രം “പാവ കഥൈകള്‍” മികച്ച പ്രതികരണമാണ് നേടുന്നത്. ഗൗതം വാസുദേവ് മേനോന്‍, സുധ കൊങ്കര, വിഗ്‌നേശ് ശിവന്‍, വെട്രിമാരന്‍ എന്നീ സംവിധായകര്‍ ഒരുക്കുന്ന നാല് സിനിമകളാണ് പാവൈ കഥകളിലുള്ളത്. സുധ കൊങ്കര ഒരുക്കിയ തങ്കം ചിത്രത്തില്‍ വേഷമിട്ട നടന്‍ കാളിദാസ് ജയറാമിന് അഭിനന്ദന പ്രവാഹം.
സത്താര്‍ എന്ന ട്രാന്‍സ്‌ജെന്‍ഡര്‍ കഥാപാത്രമായാണ് കാളിദാസ് വേഷമിട്ടത്. വൈകാരിക രംഗങ്ങളിലെ കാളിദാസിന്റെ പ്രകടനം കരയിച്ചു എന്നാണ് പ്രേക്ഷകര്‍ പറയുന്നത്. ഇനിയും തമിഴ് സിനിമകളില്‍ കാളിദാസിനെ കാണാന്‍ ആഗ്രഹിക്കുന്നുവെന്നും പ്രേക്ഷകരും പറയുന്നു. ദുല്‍ഖര്‍ സല്‍മാനും സൂര്യയും കാളിദാസിനെ അഭിനന്ദിച്ച് രംഗത്തെത്തി.
ശന്തനു ഭാഗ്യരാജ്, ഭാവനി ശ്രീ എന്നിവരാണ് തങ്കം ചിത്രത്തില്‍ വേഷമിട്ട മറ്റ് താരങ്ങള്‍. ആമസോണ്‍ പ്രൈമിന്റെ ആന്തോളജി ചിത്രമായ പുത്തം പുതു കാലൈയിലും സുധ കൊങ്കര കാളിദാസിനെയാണ് നായികയാക്കിയത്. ആ ചിത്രത്തിലും മികച്ച പ്രകടനമാണ് കാളിദാസ് കാഴ്ചവെച്ചത്.
പാവ കഥൈകളിലെ സായ് പല്ലവിയുടെ പ്രകടനവും പ്രേക്ഷകര്‍ ഏറ്റെടുത്തിട്ടുണ്ട്. ഗര്‍ഭിണിയുടെ വേഷത്തിലാണ് സായ് പല്ലവി ചിത്രത്തില്‍ വേഷമിട്ടത്. ആന്തോളജിയില്‍ കല്‍ക്കി കൊച്ചലിനും അഞ്ജലിയും ലെസ്ബിയന്‍ കപ്പിള്‍സ് ആയാണ് എത്തിയത്.