സൗബിന്‍ ഷാഹിറിനെ കേന്ദ്ര കഥാപാത്രമാക്കി ജിത്തു കെ ജയന്‍ സംവിധാനം ചെയ്യുന്ന ‘കള്ളന്‍ ഡിസൂസ’ ചിത്രത്തിലെ പുതിയ വീഡിയോ ഗാനം പുറത്ത്. ഷഹബാസ് അമന്റെ മനോഹര ശബ്ദത്തില്‍ പുറത്തിറങ്ങിയ ഗാനത്തിന് സംഗീതം ഒരുക്കിയത് പ്രശാന്ത് കര്‍മ്മയും വരികള്‍ എഴുതിയിരിക്കുന്നത് ഹരി നാരായണനുമാണ്.
സജീര്‍ ബാബയാണ് ചിത്രത്തിന്റെ രചന നിര്‍വഹിച്ചിരിക്കുന്നത്. പൊലീസ് വേഷത്തിലാണ് ദിലീഷ് പോത്തന്‍ ചിത്രത്തില്‍ വേഷമിടുന്നത്. സുരഭി ലക്ഷ്മി, ഹരീഷ് കണാരന്‍, വിജയരാഘവന്‍, അപര്‍ണ നായര്‍, വിനോദ് കോവൂര്‍, ശ്രീജിത്ത് രവി, സന്തോഷ് കീഴാറ്റൂര്‍, കൃഷ്ണകുമാര്‍ തുടങ്ങി വന്‍ താരനിര തന്നെ അണിനിരക്കുന്നുണ്ട്.
ദുല്‍ഖര്‍ സല്‍മാന്‍ നായകനായെത്തിയ ചിത്രം ‘ചാര്‍ളി’യിലെ ഒരു കഥാപാത്രമായിരുന്നു സൗബിന്‍ ഷാഹിര്‍ അവതരിപ്പിച്ച സുനിക്കുട്ടന്‍ കള്ളന്‍ ഡിസൂസ. ചിത്രം പുറത്തിറങ്ങി ആറ് വര്‍ഷങ്ങള്‍ക്ക് ശേഷമാണ് കള്ളന്‍ ഡിസൂസ ടൈറ്റില്‍ കഥാപാത്രമാകുന്ന ചിത്രം റിലീസിന് ഒരുങ്ങുന്നത്. സജീര്‍ ബാബയാണ് ചിത്രത്തിന്റെ രചന നിര്‍വ്വഹിച്ചിരിക്കുന്നത്.
ഛായാഗ്രഹണം അരുണ്‍ ചാലില്‍, എഡിറ്റിംഗ് റിസ്സല്‍ ജയ്നി, സംഗീതം ലിയോ ടോം, പ്രശാന്ത് കര്‍മ്മ. പശ്ചാത്തല സംഗീതം കൈലാഷ് മേനോന്‍, പ്രൊഡക്ഷന്‍ കണ്‍ട്രോളര്‍ ബാദുഷ, കലാസംവിധാനം ശ്യാം കാര്‍ത്തികേയന്‍, ആക്ഷന്‍ കൊറിയോഗ്രഫി മാഫിയ ശശി, സൗണ്ട് മിക്സിംഗ് വിപിന്‍ നായര്‍, പബ്ലിസിറ്റി ഡിസൈന്‍സ് സജേഷ് പാലായ്.