ഫസ്റ്റ്‌ലുക്ക് പോസ്റ്ററില്‍ നിഗൂഡത ഒളിപ്പിച്ച് കമല ചിത്രത്തിന്റെ ഫസ്റ്റ്‌ലുക്ക് പോസ്റ്റര്‍. ഇതില്‍ സൂക്ഷിച്ചു നോക്കിയാല്‍ ഒരു സ്ത്രീയുടെ രൂപം കാണാം.
ത്രില്ലര്‍ സ്വഭാവുള്ള സിനിമയായിരിക്കും എന്ന സൂചന നല്‍കിക്കൊണ്ട് 36 മണിക്കൂറിനുള്ളില്‍ സംഭവിക്കുന്ന കാര്യങ്ങളെ കോര്‍ത്തിണക്കിയാണ് ചിത്രം ഒരുങ്ങുന്നത്. രഞ്ജിത് ശങ്കര്‍ സംവിധാനം ചെയ്യുന്ന ചിത്രം ഡ്രീംസ് ആന്‍ഡ് ബിയോണ്ട്‌സിന്റെ പ്രൊഡക്ഷന്‍ ആണ് പുറത്തിറക്കുന്നത്.
പ്രേതം 2വിനു ശേഷം അജുവും രഞ്ജിത് ശങ്കറും ഒരുമിക്കുന്ന ചിത്രമാണ് കമല. രഞ്ജിത്-അജു കൂട്ടുകെട്ടില്‍ ഏഴാമത്തെ ചിത്രമാണ് തിരശീലയിലെത്താന്‍ പോകുന്നത്. പാസഞ്ചര്‍, അര്‍ജുനന്‍ സാക്ഷി എന്നീ ത്രില്ലര്‍ ചിത്രങ്ങളും രഞ്ജിത് ശങ്കര്‍ സംവിധാനം ചെയ്തതാണ്.