“കണ്ണാംതുമ്പി പോരാമോ” എന്ന സൂപ്പര്‍ ഹിറ്റ് ഗാനത്തിന് ആധുനിക സാങ്കേതിക മികവില്‍ കവര്‍ അപ്പ് ഒരുക്കി പ്രശ്‌സ്ത സംഗീത സംവിധായകന്‍ ഔസേപ്പച്ചന്‍. കമല്‍ സംവിധാനം ചെയ്ത “കാക്കോത്തിക്കാവിലെ അപ്പൂപ്പന്‍ താടികള്‍” എന്ന ചിത്രത്തില്‍ കെ. എസ് ചിത്ര ആലപിച്ച ഗാനമാണിത്.
1988-ല്‍ പുറത്തിറങ്ങിയ ചിത്രത്തിലെ ഗാനത്തിന് വര്‍ഷങ്ങള്‍ക്കിപ്പുറം ഒരുക്കിയ കവര്‍ സോംഗ് മമ്മൂട്ടിയാണ് ഫെയ്‌സ്ബുക്ക് പേജിലൂടെ റിലീസ് ചെയ്തിരിക്കുന്നത്. ക്യൂബ്‌സ് ഇന്റര്‍നാഷണല്‍ ഗ്രൂപ്പിന്റെ സഹകരണത്തോടെ പൂര്‍ണ്ണമായും ദുബായില്‍ വെച്ച് ചിത്രീകരിച്ച ഈ മ്യൂസിക്കല്‍ ആല്‍ബം പ്രമോദ് പപ്പനാണ് സംവിധാനം ചെയ്തത്.
ഹരിത ഹരീഷാണ് ഗാനം ആലപിച്ചിരിക്കുന്നത്. ബേബി ഫ്രേയ, ബേബി ആയ എന്നിവര്‍ അഭിനയിക്കുന്നു. പ്രമോദ് പപ്പന്‍, ഷിഹാബ് ഒമല്ലൂര്‍ ഛായാഗ്രഹണം നിര്‍വ്വഹിക്കുന്നു. സച്ചിന്‍ എഡിറ്റിങ്ങും നിര്‍വ്വഹിച്ചിരിക്കുന്നു. സത്യം ഓഡിയോസ് ആണ് കണ്ണാംത്തുമ്പി വിപണിയിലെത്തിക്കുന്നത്.
https://www.facebook.com/Mammootty/posts/10158723173532774
രേവതി, അംബിക എന്നിവര്‍ കേന്ദ്ര കഥാപാത്രങ്ങളായെത്തിയ സിനിമയാണ് കാക്കോത്തിക്കാവിലെ അപ്പൂപ്പന്‍ താടികള്‍. ബിച്ചു തിരുമല ഒരുക്കിയ കണ്ണാംതുമ്പിയുടെ വരികള്‍ക്ക് ഔസേപ്പച്ചന്‍ ആണ് ഈണമിട്ടത്. മലയാളികള്‍ ഇന്നും ആസ്വദിക്കുന്ന ഗാനം കൂടിയാണിത്.