നിര്‍മാതാവ് സജി നന്ത്യാട്ടിന്റെ മകന്റെ വിവാഹത്തില്‍ തിളങ്ങി ദിലീപും കാവ്യ മാധവനും. ഏറെ നാളത്തെ ഇടവേളയ്ക്ക് ശേഷമാണ് ഇരുവരും ഒന്നിച്ച് ഒരു പൊതുചടങ്ങില്‍ എത്തുന്നത്. സജി നന്ത്യാട്ടിന്റെ മകന്‍ ജിമ്മിയുടെ വിവാഹത്തിനാണ് താരദമ്പതികള്‍ ഒന്നിച്ചെത്തിയത്.
സാറയാണ് ജിമ്മിയുടെ വധു. ഉണ്ണി മുകുന്ദന്‍, വിജയ് ബാബു, ലിസ്റ്റിന്‍ സ്റ്റീഫന്‍, ആല്‍വിന്‍ ആന്റണി, ദിലീപിന്റെ അനുജനും സംവിധായകനുമായ അനൂപ് പദ്മനാഭന്‍ എന്നിവരും ചടങ്ങില്‍ പങ്കെടുക്കാന്‍ എത്തിയിരുന്നു. പള്ളിയിലാണ് വിവാഹ ചടങ്ങുകള്‍ നടന്നത്.
ഗായിക നിത്യ മാമനാണ് പള്ളിയിലെ ഗായകസംഘത്തിന് നേതൃത്വം കൊടുത്തത്. അതേസമയം, ദിലീപുമായുള്ള വിവാഹത്തിന് ശേഷം സിനിമയില്‍ നിന്നും പൊതു പരിപാടികളില്‍ നിന്നുമെല്ലാം മാറി നില്‍ക്കുകയാണ് കാവ്യ മാധവന്‍.
അതുകൊണ്ട് തന്നെ അപൂര്‍വ്വമായാണ് കാവ്യയുടെ ചിത്രങ്ങള്‍ സോഷ്യല്‍ മീഡിയയില്‍ എത്താറുള്ളത്. 2016 നവംബര്‍ 25നായിരുന്നു ദിലീപുമായുള്ള കാവ്യയുടെ വിവാഹം. 2019 ഒക്ടോബറിലാണ് ദിലീപിനും കാവ്യയ്ക്കും മഹാലക്ഷ്മി പിറന്നത്.