മലയാളി പ്രേക്ഷകരുടെ പ്രിയ താരമാണ് കാവ്യാ മാധവന്‍. ദിലീപുമായുള്ള വിവാഹത്തിന് ശേഷം സിനിമയില്‍ നിന്നും വിട്ടു നില്‍ക്കുകയാണ് കാവ്യ. താരത്തിന്റെ തിരിച്ച് വരവിനായാണ് ആരാധകര്‍ കാത്തിരിക്കുന്നത്. കാവ്യ വീണ്ടും സിനിമയിലേക്കെത്തുമോ എന്ന ചോദ്യത്തിന് താന്‍ ആര്‍ക്കും അതിര്‍വരമ്പുകള്‍ വെച്ചിട്ടില്ലെന്ന് വ്യക്തമാക്കിയിരിക്കുകയാണ് ദിലീപ്.
ഒരു അഭിമുഖത്തിനിടെയാണ് ദിലീപ് മറുപടി നല്‍കിയത്. അച്ഛന്‍ എന്ന നിലയില്‍ പത്തില്‍ പത്ത് മാര്‍ക്കും നേടാനുള്ള ശ്രമത്തിലാണ് താനെന്നും എന്നാല്‍ ഭര്‍ത്താവ് എന്ന നിലയില്‍ മാര്‍ക്കിടേണ്ടത് ഭാര്യ കാവ്യയാണെന്നും ദിലീപ് പറഞ്ഞു.
എസ് എല്‍ പുരം ജയസൂര്യ ഒരുക്കുന്ന “ജാക്ക് ഡാനിയേല്‍” ആണ് ദിലീപിന്റെ റിലീസിനൊരുങ്ങുന്ന ചിത്രം. ചിത്രത്തില്‍ ജാക്ക് എന്ന മോഷ്ടാവായി ദീലീപ് എത്തുമ്പോള്‍ അന്വേഷണ ഉദ്യോഗസ്ഥന്റെ റോളില്‍ തമിഴകത്തിന്റെ ആക്ഷന്‍ കിംഗ് അര്‍ജുന്‍ സര്‍ജയാണ് എത്തുന്നത്. തമീന്‍സ് ഫിലിംസിന്റെ ബാനറില്‍ ഷിബു തമീന്‍സ് ആണ് ജാക്ക് ഡാനിയേല്‍ നിര്‍മ്മിക്കുന്നത്. അഞ്ജു കുര്യന്‍, അജു വര്‍ഗ്ഗീസ് ദേവന്‍, സൈജു കുറുപ്പ് തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നു. ശിവകുമാര്‍ ആണ് വിജയന്‍ ഛായാഗ്രഹണം.