കഴിഞ്ഞ ദിവസം അന്താരാഷ്ട്ര ഡാന്‍സ് ദിനം എന്ന ഹാഷ്ടാഗോടെ നടി കീര്‍ത്തി സുരേഷ് പങ്കുവച്ച ചിത്രങ്ങള്‍ ശ്രദ്ധ നേടിയിരുന്നു. ഒരു പാര്‍ട്ടിയില്‍ നൃത്തം ചെയ്യുന്ന ചിത്രങ്ങളാണിത്. ‘എല്ലാ ദിവസവും ചെയ്യുന്നതാണ് പക്ഷെ ഇന്ന് കുറച്ചുകൂടി വ്യക്തമായി ചെയ്യുന്നു’ എന്ന ക്യാപ്ഷനോടെയാണ് നടി ചിത്രങ്ങള്‍ പങ്കുവച്ചത്.
ചിത്രങ്ങള്‍ പങ്കുവച്ചതോടെ വൈറലായി മാറിയത് നടിയുടെ കൈയിലുള്ള മൊബൈല്‍ ഫോണ്‍ ആണ്. സ്‌ക്രീന്‍ പൊട്ടിയ മൊബൈല്‍ ആണോ ഇത് എന്ന ചോദ്യമാണ് ഇതോടെ സോഷ്യല്‍ മീഡിയയില്‍ ഉയരുന്നത്. കീര്‍ത്തി കൈയ്യില്‍ പിടിച്ചിരിക്കുന്ന ഫോണ്‍ കണ്ടാല്‍ സ്‌ക്രീന്‍ പൊട്ടിയത് പോലെ തോന്നും. എന്നാല്‍ ഇത് ഫോണിന്റെ കവര്‍ ആണ് എന്നാണ് ചിലരുടെ അഭിപ്രായം.
ഫോണിന്റെ കവറിലെ ഡിസൈന്‍ ആണ് സ്‌ക്രീന്‍ പൊട്ടിയത് പോലെ തോന്നിക്കുന്നത് എന്നാണ് സോഷ്യല്‍ മീഡിയയില്‍ എത്തുന്ന കമന്റുകള്‍. ഇതിനൊപ്പം ഡാന്‍സ് ക്ലബില്‍ നിന്നുള്ള ചിത്രങ്ങള്‍ക്ക് വിമര്‍ശനം ഉന്നയിക്കുന്നുമുണ്ട്. നിഷ്‌കളങ്കയായ കീര്‍ത്തിയെ നഷ്ടപ്പെട്ടുവെന്നാണ് കമന്റുകളില്‍ പറയുന്നത്.
അതേസമയം, സൈറണ്‍ എന്ന ചിത്രമാണ് താരത്തിന്റെതായി ഒടുവില്‍ തിയേറ്ററുകളിലെത്തിയത്. അടുത്തിടെ താരത്തിന്റെതായി പുറത്തിറങ്ങിയ മിക്ക സിനിമകളും ഫ്‌ളോപ്പ് ആയിരുന്നു. ഭോല ശങ്കര്‍, വാശി, സര്‍ക്കാരു വാരി പാട്ട, ഗുഡ് ലക്ക് സാനി എന്നീ സിനിമകള്‍ തിയേറ്ററില്‍ പരാജയമായിരുന്നു.
എന്നാല്‍ ദസറ എന്ന നാനി ചിത്രവും മാമന്നന്‍ എന്ന ഫഹദ് ചിത്രവും സൂപ്പര്‍ ഹിറ്റ് ആയിരുന്നു. എങ്കിലും കീര്‍ത്തിയുടെ പ്രകടനത്തിന് അധികം അഭിപ്രായങ്ങള്‍ ലഭിച്ചിരുന്നില്ല. രഘുതാത്ത, റിവോള്‍വര്‍ റിത, കന്നിവെടി, ബേബി ജോണ്‍ എന്നീ ചിത്രങ്ങളാണ് നടിയുടെതായി ഒരുങ്ങി കൊണ്ടിരിക്കുന്നത്.