പലചരക്ക് കടയില്‍ മിഠായി വാങ്ങാനെത്തിയ റോക്കി ഭായ്‌യെ കണ്ട് അമ്പരന്ന് ആരാധകര്‍. കഴിഞ്ഞ ദിവസം ഏവരെയും അത്ഭുതപ്പെടുത്തി പലചരക്ക് കടയിലെത്തിയ യഷിന്റെ ചിത്രങ്ങളാണ് ശ്രദ്ധ നേടുന്നത്. കര്‍ണ്ണാടകയിലെ ഒരു ചെറിയ കടയിലാണ് യാഷ് എത്തിയത്.
കര്‍ണ്ണാടകയിലെ ചെറിയൊരു ഗ്രാമത്തിലെ പലചരക്ക് കടയില്‍ നിന്ന് ഭാര്യക്കൊപ്പം ഐസ് മിഠായി വാങ്ങുന്ന യാഷിന്റെ ചിത്രങ്ങളാണ് സോഷ്യല്‍ മീഡിയയില്‍ വൈറലാകുന്നത്. ഷിറലിയിലെ ചിത്രപുര്‍ മത് ക്ഷേത്രത്തില്‍ അടുത്തിടെ നടത്തിയ സന്ദര്‍ശനത്തിനിടെയാണ് യാഷ് പലചരക്ക് കടയില്‍ എത്തി.
Rocking Star Yash purchases ice candy for his wife Radhika from a small grocery shop.
Despite huge stardom, #Yash remains simple and humble
This is during their recent… pic.twitter.com/YTRW6av6xJ
— Manobala Vijayabalan (@ManobalaV) February 17, 2024
ചിത്രങ്ങള്‍ എക്‌സില്‍ പ്രചരിച്ചതോടെ നിരവധി ആരാധകരാണ് കമന്റുമായെത്തിയത്. യാഷിനൊപ്പം കടയുടെ മുന്നിലുള്ള കസേരയിലിരുന്ന് മിഠായി കഴിക്കുന്ന ഭാര്യ രാധികയെയും ചിത്രത്തില്‍ കാണാം. ‘ഇത്ര വലിയ താരപരിവേഷത്തിലും, സിംപിളായി തുടരുന്ന യാഷ്’ എന്ന ക്യാപ്ഷനോടെയാണ് ചിത്രങ്ങള്‍ പ്രചരിക്കുന്നത്.
Read more
അതേസമയം, ‘ടോക്‌സിക്’ എന്ന ചിത്രമാണ് യാഷിന്റെതായി ഒരുങ്ങി കൊണ്ടിരിക്കുന്നത്. ഗീതു മോഹന്‍ദാസിന്റെ സംവിധാനത്തില്‍ ഒരുങ്ങുന്ന ചിത്രമാണിത്. ‘കെജിഎഫ്’ സീരിസ് ചിത്രങ്ങള്‍ക്ക് ശേഷം യാഷ് അഭിനയിക്കാന്‍ പോകുന്ന ചിത്രം കൂടിയാണിത്. കെജിഎഫ്: ചാപ്റ്റര്‍ 3 ആണ് ഇനി വരാനിരിക്കുന്നത്.
