മലയാളികൾ എക്കാലത്തും ഓർത്തിരിക്കുന്ന ചിത്രമാണ് ശ്രീനിവാസന്റെ തിരക്കഥയിൽ സത്യൻ അന്തിക്കാട് സംവിധാനം ചെയ്ത് 1991-ൽ പുറത്തിറങ്ങിയ ‘സന്ദേശം’. കോട്ടപ്പള്ളി പ്രഭാകരനായി ശ്രീനിവാസനും കെആർപി എന്ന പ്രകാശനായി ജയറാമും മത്സരിച്ച് അഭിനയിച്ച ചിത്രം ഇന്നും മലയാളികൾക്കിടയിൽ ചർച്ചാവിഷയമാണ്.
ചിത്രത്തിലെ പ്രശസ്തമായ രംഗമാണ് കോട്ടപ്പള്ളി പ്രഭാകരന്റെ പെണ്ണുകാണൽ രംഗം. ഇന്നും ഏറ്റവും കൂടുതൽ ചർച്ചചെയ്യപ്പെടുന്ന രംഗമാണ് ഇത്. ഇപ്പോഴിതാ കോട്ടപ്പള്ളി പ്രഭാകരൻ 2.0 ആയി ധ്യാൻ ശ്രീനിവാസൻ സ്ക്രീനിൽ എത്തിയിരിക്കുകയാണ്.
സംവിധാനം ചെയ്തിരിക്കുന്നത് സത്യൻ അന്തിക്കാടിന്റെ മകൻ അനൂപ് സത്യനും. ഒരു പരസ്യ ചിത്രത്തിന്റെ ഭാഗമായാണ് ഇപ്പോൾ സന്ദേശത്തിലെ രംഗം പുനഃസൃഷ്ടിച്ചിരിക്കുന്നത്.
സന്ദേശത്തിലെ ഈ രംഗത്തിൽ ശ്രീനിവാസനും കൂടെയുള്ള സഹതാരങ്ങളും ധരിച്ച അതേ കോസ്റ്റ്യൂമിലാണ് ധ്യാനും കൂട്ടരും പരസ്യ ചിത്രത്തിൽ പ്രത്യക്ഷപ്പെട്ടിരിക്കുന്നത്.