നവാഗതനായ കബീര്‍ പുഴമ്പ്രം കഥയും തിരക്കഥയുമെഴുതി സംവിധാനം ചെയ്ത് 666 (ത്രിബിള്‍ സിക്‌സ്) പ്രൊഡക്ഷന്റെ ബാനറില്‍ ഹസീബ് മേപ്പാട്ട് നിര്‍മ്മിക്കുന്ന ചിത്രമാണ് ‘ലാല്‍ജോസ്’. ചിത്രത്തിലെ സുന്ദരിപെണ്ണേ എന്ന ഗാനം സത്യം ഓഡിയോസ് പുറത്തിറക്കി.
ജോപോളിന്റെ വരികള്‍ക്ക് ബിനേഷ് മണിയാണ് ഈണം നല്‍കിയിരിക്കുന്നത്. പുതുമുഖ നടനായ മുഹമ്മദ് ശാരിക്ക് ഈ സിനിമയില്‍ നായകവേഷത്തില്‍ എത്തുന്നു. നായിക ആന്‍ഡ്രിയ ആന്‍. ചിത്രത്തിന്റെ ഛായാഗ്രഹണം ധനേഷ് രവീന്ദ്രനാഥ്. റിസബാവയും ശശി കലിംഗയും അവസാനമായി അഭിനയിച്ച ചിത്രം കൂടിയാണ് ലാല്‍ജോസ്. കൂടാതെ ഭഗത് മാനുവല്‍, ജെന്‍സണ്‍ തുടങ്ങിയവര്‍ പ്രധാന വേഷങ്ങളില്‍ എത്തുന്നു.
സിനിമയെ കുറിച്ചും, സിനിമക്കുള്ളിലെ പ്രശ്‌നങ്ങളെ കുറിച്ചും ചര്‍ച്ച ചെയ്യുന്ന ചിത്രമാണിത്. ടോണി, കെ.പി. മജീദ്, വി.കെ. ബൈജു, രാജേഷ് ശര്‍മ, സാലു കൂറ്റനാട്, വിനോദ് കെടാമംഗലം, കലാഭവന്‍ ഹനീഫ്, ദേവി അജിത്ത് തുടങ്ങി ഒട്ടേറെപ്പേര്‍ സിനിമയില്‍ അണിനിരക്കുന്നു.
സിദ് ശ്രീറാം, വിജയ് യേശുദാസ് എന്നിവരാണ് ഈ ചിത്രത്തിലെ ഗാനം ആലപിച്ചിരിക്കുന്നത്. പശ്ചാത്തലസംഗീതം- ഗോപി സുന്ദര്‍. ഇ.എ. ഇസ്മയിലാണ് സിനിമയുടെ പ്രൊഡക്ഷന്‍ കണ്‍ട്രോളര്‍.
പ്രൊഡക്ഷന്‍ എക്‌സിക്യൂട്ടീവ്‌സ് ജബ്ബാര്‍ മതിലകം, അമീര്‍ ഇവെന്‍ട്രിക്, പ്രൊഡക്ഷന്‍ മാനേജര്‍ കെ.വി. അസിസ് പൊന്നാനി.
ആര്‍ട്ട് ഡയരക്ടര്‍- ബിജു, മേക്കപ്പ്- രാജേഷ് രാഘവന്‍, കോസ്‌റ്യൂം- റസാഖ് തിരൂര്‍. എഡിറ്റര്‍ – ജോവിന്‍ ജോണ്‍, കൊറിയോഗ്രാഫി- ഭൂപതി
