ആസിഫ് അലി, അമല പോള്‍, ഷറഫുദ്ദീന്‍ എന്നിവര്‍ കേന്ദ്ര കഥാപാത്രങ്ങളായി എത്തിയ ചിത്രമാണ് ‘ലെവല്‍ ക്രോസ്’. അഭിഷേക് ഫിലിംസിന്റെ ബാനറില്‍ രമേഷ് പി. പിള്ള നിര്‍മ്മിച്ച് ജീത്തു ജോസഫ് അവതരിപ്പിച്ച ചിത്രം സംവിധാനം ചെയ്തത് അര്‍ഫാസ് അയൂബ് ആണ്. ചിത്രത്തിന്റെ ബോക്‌സ് ഓഫീസ് കളക്ഷന്‍ ആണ് ഇപ്പോള്‍ പുറത്തു വന്നിരിക്കുന്നത്.
ജൂലൈ 26ന് തിയേറ്ററുകളില്‍ എത്തിയ ചിത്രം ആകെ നേടിയത് 1.34 കോടി രൂപ മാത്രമാണ് എന്നാണ് ബോക്‌സ് ഓഫീസ് സൈറ്റായ സാക്‌നില്‍ക് പുറത്തുവിട്ടിരിക്കുന്നത്. കേരളത്തില്‍ നിന്നും ഒമ്പത് ലക്ഷം രൂപ മാത്രമേ ചിത്രത്തിന് നേടാനായിട്ടുള്ളു. വയനാട് ദുരന്തത്തിന്റെ പശ്ചാത്തലത്തില്‍ ആളുകള്‍ തിയേറ്ററിലേക്ക് എത്താതിരിക്കാന്‍ കാരണമായത്.
അതേസമയം, ജീത്തു ജോസഫിന്റെ അസിസ്റ്റന്റുകളില്‍ ഒരാളാണ് അര്‍ഫാസ് അയൂബ്. അര്‍ഫാസ് തന്നെയാണ് ചിത്രത്തിന് തിരക്കഥ ഒരുക്കിയതും. സീതാരാമം, ചിത്ത, ഉറിയടി തുടങ്ങിയ ഹിറ്റ് സിനിമകളുടെ സംഗീത സംവിധായകനായ വിശാല്‍ ചന്ദ്രശേഖര്‍ സംഗീതം ഒരുക്കിയ ആദ്യ മലയാള ചിത്രം കൂടിയാണിത്.
ചായഗ്രഹണം – അപ്പു പ്രഭാകര്‍, എഡിറ്റിംഗ് – ദീപു ജോസഫ്, സംഭാഷണം – ആദം അയൂബ്ബ്, സൗണ്ട് ഡിസൈനര്‍ – ജയദേവ് ചക്കാടത്ത്. കോസ്റ്റ്യൂം – ലിന്റ്റ ജീത്തു. മേക്കപ്പ് – റോണക്സ് സേവ്യര്‍, പ്രൊഡക്ഷന്‍ ഡിസൈനര്‍ – പ്രേം നവാസ്.
