മോഹന്‍ലാലിനെ നായകനാക്കി ലിജോ ജോസ് പെല്ലിശ്ശേരി സംവിധാനം ചെയ്യുന്ന ചിത്രത്തിന്റെ ടൈറ്റില്‍ റിലീസ് പ്രഖ്യാപിച്ചു. പ്രഖ്യാപന സമയം മുതല്‍ ശ്രദ്ധനേടിയ ചിത്രത്തിന്റെതായി പുറത്തുവരുന്ന അപ്‌ഡേറ്റുകള്‍ പോലും ഏറെ ആവേശത്തോടെയാണ് പ്രേക്ഷകര്‍ ഏറ്റെടുക്കുന്നത്.
ഇപ്പോഴിതാ ചിത്രത്തിന്റെ ടൈറ്റില്‍ 23ന് പ്രഖ്യാപിക്കുമെന്ന് ലിജോ ജോസ് പെല്ലിശ്ശേരിയും മോഹന്‍ലാലും ഇവരുടെ സോഷ്യല്‍ മീഡിയകളില്‍ പങ്കുവച്ചിരിക്കുകയാണ്. മോഹന്‍ലാല്‍ ഒരു വീഡിയോയിലൂടെയാണ് പ്രഖ്യാപനം നടത്തിയിരിക്കുന്നത്. ഇതിനെ കുറിച്ചാണ് ഇപ്പോള്‍ സോഷ്യല്‍ മീഡിയയില്‍ ചര്‍ച്ചകള്‍ നടക്കുന്നത്.
നാളെ വൈകുന്നേരം അഞ്ച് മണിക്ക് ടൈറ്റില്‍ പുറത്തുവിടും. ഇതിന്റെ ഭാഗമായി ടെറ്റില്‍ തയ്യാറാക്കുന്നതിന്റെ വീഡിയോയാണ് മോഹന്‍ലാല്‍ പങ്കുവച്ചിരിക്കുന്നത്. ‘മലയാളത്തിന്റെ മോഹന്‍ലാല്‍ അവതരിക്കുന്ന ലിജോ ജോസ് പെല്ലിശ്ശേരി സിനിമ’ എന്ന ഭാഗവും വീഡിയോയില്‍ ഉള്‍പ്പെടുത്തിയിട്ടുണ്ട്.
പിന്നാലെ കമന്റുകളുമായി ആരാധകരും രംഗത്ത് എത്തി. എന്തായിരിക്കും ചിത്രത്തിന്റെ ടൈറ്റില്‍ എന്നാണ് പലരും ചേദിക്കുന്നത്. ചിലര്‍ ടൈറ്റില്‍ പ്രവചിക്കുന്നുണ്ട്. അവസാനമായി ടൈറ്റിലിന്റെ അവസാന അക്ഷരമാണ് പുറത്തുവന്നത്. അത് ‘ന്’ ആണ്. ചിത്രത്തിന്റെ പേര് മലക്കാട് വാലിബന്‍ എന്നായിരിക്കുമെന്നാണ് ചിലര്‍ പറയുന്നത്.
View this post on Instagram