അപ്പാനി ശരത്, ടിറ്റോ വില്‍സണ്‍ എന്നിവര്‍ കേന്ദ്ര കഥാപാത്രങ്ങളായ “ലൗ എഫ്എം” ചിത്രം ഒ.ടി.ടി പ്ലാറ്റ്‌ഫോമുകളില്‍ റിലീസ് ചെയ്യുന്നു. ജൂണ്‍ 14ന് നീസ്ട്രീം, ഫില്‍മി എന്നീ ഒ.ടി.ടി പ്ലാറ്റ്‌ഫോമുകളിലൂടെ ചിത്രം റിലീസ് ചെയ്യും. ശ്രീദേവ് കപ്പൂര്‍ സംവിധാനം ചെയ്ത ചിത്രം ബെന്‍സി പ്രൊഡക്ഷന്‍സിന്റെ ബാനറില്‍ ബെന്‍സി നാസര്‍ ആണ് നിര്‍മ്മിച്ചത്.
ഫെബ്രുവരിയില്‍ തിയേറ്ററില്‍ റിലീസ് ചെയ്ത ചിത്രം കുടുംബ പ്രേക്ഷകര്‍ ഏറ്റെടുത്തിരുന്നു. വ്യത്യസ്തമായ പ്രണയാനുഭവം ഇതിവൃത്തമായി ഒരുക്കിയ ചിത്രം രണ്ട് കാലഘട്ടത്തിലെ പ്രണയമാണ് അവതരിപ്പിക്കുന്നത്. റേഡിയോ ഒരു വികാരമായി നെഞ്ചിലേറ്റിയ പഴയ തലമുറയുടെ പ്രണയവും വിരഹവും സന്തോഷവും സങ്കടങ്ങളും ചിത്രത്തില്‍ പറയുന്നു.
അപ്പാനി ശരത്ത് അവതരിപ്പിക്കുന്ന ഗസല്‍ എന്ന കഥാപാത്രത്തിന്റെ ജീവിതത്തിലുണ്ടാകുന്ന ആകസ്മികമായ ചില സംഭവങ്ങളിലൂടെയാണ് ചിത്രത്തിന്റെ കഥ വികസിക്കുന്നത്. സന്തോഷ് അനിമ ഛായാഗ്രഹണവും കൈതപ്രം വിശ്വനാഥന്‍ സംഗീതവും നിര്‍വ്വഹിച്ചു. ഗോപി സുന്ദര്‍ പശ്ചത്താല സംഗീതം ഒരുക്കിയത്.
ജിനോ ജോണ്‍, സിനോജ് അങ്കമാലി, ജിനോ ജോണ്‍, നിര്‍മ്മല്‍ പാലാഴി, ദേവന്‍, മാമുക്കോയ, ബോബന്‍ ആലമ്മൂടന്‍, മണികണ്ഠന്‍ പട്ടാമ്പി, അഞ്ജു, നീനാകുറുപ്പ്, ദിവ്യ, അഞ്ജലി, സുനില്‍ സുഗത, വിജിലേഷ്, ശശി കലിംഗ, സാജു കൊടിയന്‍, ബിറ്റോ, ആലങ്കോട് ലീലാകൃഷ്ണന്‍, അബു വളയംകുളം, വിജയന്‍ കോഴിക്കോട്, ജെയിംസ് ഏലിയ, അഷറഫ് ഗുരുക്കള്‍, ആനന്ദ് കോഴിക്കോട്.
Read more
സിനില്‍ സൈനുദ്ദീന്‍, അല്‍ക്കു, സച്ചിന്‍, വിനോഷ്, ആകാശ് ദേവ്, സുബീഷ് ഭാസ്‌ക്കര്‍, ദിലീപ് പൊന്നാനി, ഹരിദാസ് പൊന്നാനി, ഷബിന്‍, അഡ്വ. നിഖില്‍, ജാനകി കൃഷ്ണന്‍, മാളവിക മേനോന്‍, ശ്രീക്കുട്ടി, ഡോ. ഉമ, ഐറിന്‍, ആഷ്ലി, ബേബി അനശ്വര, ബേബി പിങ്കി എന്നിവരാണ് ചിത്രത്തിലെ മറ്റ് അഭിനേതാക്കള്‍. പിആര്‍ഒ പി.ആര്‍ സുമേരന്‍.
